У Слуцку закрылі рэнтгенаўскі кабінет. Галоўны ўрач запэўніў, што гэта «часова» — раней так жа казалі і пра раддом

Яшчэ месяц таму стала вядома, што ў Слуцкай стаматалогіі, якая месціцца на вуліцы Леніна, закрываюць адзіны ў горадзе рэнтгенаўскі кабінет. Сітуацыя моцна хвалюе мясцовых жыхароў.

Чытайце таксама:  Слуцкі радзільны дом усё ж закрылі. Цяжарных з усяго раёна адвозяць у іншыя гарады

На думку случчан, кабінет закрываюць назаўсёды. І на дадзены момант ім невядома, у якім месцы яны могуць экстрана зрабіць сабе здымкі. Адзін жыхар распавёў, што забарону на працу кабінета наклала абласная санстанцыя праз адсутнасць адпаведнай ліцэнзіі.

Галоўны ўрач Слуцкай ЦРБ: «Здымак у горадзе пакуль зрабіць няма дзе, але гэта — часовыя цяжкасці»

Пазней галоўны ўрач Слуцкай Цэнтральнай Раённай Бальніцы (ЦРБ) Аляксандр Сокал часткова пацвердзіў гэтую інфармацыю. Але запэўніў, што ў дадзеным выпадку гаворкі пра поўнае закрыццё кабінета не ідзе. «Здымак у горадзе пакуль зрабіць няма дзе, але гэта — часовыя цяжкасці», — падкрэслівае ён.

Таксама ў размове з мясцовым выданнем Сокал паведаміў, што дакументы на атрыманне санітарнага пашпарта ўжо сабраныя, а таксама адпраўлена заяўка ў Абласны цэнтр гігіены і эпідэміялогіі для праверкі параметраў работы рэнтгенаўскага апарата. Але дакладную дату прыезду спецыялістаў галоўны ўрач пакуль назваць не можа.

Случчане: «Спачатку закрылі раддом, а цяпер узяліся за “аптымізацыю” стаматалогіі»

У каментарах пад навіной случчане выказалі недавер словам галоўнага ўрача. На іх меркаванне, падобныя тлумачэнні гучалі і наконт Слуцкага раддома.

Нагадаем, што ў гэтым годзе ў горадзе распаўсюдзіліся чуткі пра закрыццё радзільні. У адказ на гэта Аляксандр Сокал патлумачыў, што будынак пакуль закрылі на рамонт, а частку персаналу радзільні перавядуць у ЦРБ. У раддоме сапраўды праводзілі рамонтныя працы, аднак нядаўна стала вядома, што яго сапраўды закрываюць.

У каментарах пад навіной у адным з мясцовых каналаў адзін з жыхароў вырашыў правесці анлайн-галасаванне: хто верыць тлумачэнням галоўнага ўрача:

• «Верым Аляксандру Пятровічу, што гэта «часовыя цяжкасці» а-ля сітуэйшн з радзільным домам? Калі верым, што з 2026/01/01 будзе працаваць — стаўце👍, калі не — 👎», — піша мужчына.

У апытанні прыняла ўдзел 13 чалавек. 12 з іх выказалі недавер урачу, пакуль адзін проста падтрымаў аўтара галасавання.

Таксама варта адзначыць і іншыя меркаванні. Вось, што людзі напісалі пра сітуацыю:

• «А гэта той жа самы чалавек, які расхістаў радзільню слуцкую?», — задаецца пытаннем адзін з карыстальнікаў. «Правільна трэба казаць — аптымізаваў 😁. Так зараз модна», — адказвае яму іншы.
• «Я так зразумеў, зараз гэты чалавек узяўся за аптымізацыю стаматалогіі?».
• «Адмоўная аптымізацыя, калі быць больш дакладным».
• «Абласным кантрольна-праверачным службам глыбока нас*аць, як лечаць і дыягнастуюць у «калгасах». Яны ў «Лодах» і «Канах» абслугоўваюцца», — адзначае адзін з каментатараў.

Чытайце таксама: «Линия многоканальная, оператор одноканальный»: В Слуцке тяжело дозвониться в регистратуру главной больницы

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро