«Каляды 1992»: у Варшаве прэзентавалі ілюстраваную кнігу пра дзяцінства, Брэст і надзею

19 снежня ў Варшаве прайшла прэзентацыя ілюстраванай кнігі «Каляды 1992», якая сёлета стала незвычайнай каляднай навінкай выдавецтва Gutenberg Publisher. А з 1 снежня выданне ўжо можна набыць у продажы.

«Каляды 1992» — гэта ілюстраваны аўтафікшн, разлічаны як на дзяцей (6+), так і на дарослых. Кніга пераносіць чытача ў пачатак 1990-х — час, калі свет вакол хутка змяняўся, а Каляды толькі пачыналі вяртацца як традыцыя, супольнасць і надзея.

Аўтарка кнігі — Наталля Харатынюк — беларуская пісьменніца, што родам з Брэста. Лаўрэатка прэміі «Дэбют» (2010), трапіла ў доўгі спіс Прэміі Ежы Гедройца (2013).

Чытайце таксама: Брест в Сочельник с высоты: блогер ВаськаПилот показал город в предрождественский вечер

Дзяцінства, Каляды і мяжа, якая не заўсёды відавочная

Паводле сюжэту, недзе на самым захадзе Беларусі група ўжо гарадскіх беларускіх дзетак адкрывае для сябе Каляды. З пакетам з Aldi і ў карнавальных касцюмах яны нясуць радасную вестку — і выпадкова апынаюцца за мяжой. Ці ўсё ж не?

Гісторыя балансуе паміж казкай і рэальнасцю, дзе дзіцячы погляд сутыкаецца з вялікім светам, межамі і пытаннямі, на якія няма простых адказаў.

Брэст як паўнапраўны герой кнігі

Адной з галоўных асаблівасцяў «Каляд 1992» з’яўляюцца рэальныя і пазнавальныя мясціны Брэста. Горад тут — не проста фон, а паўнапраўны персанаж.

Двары на ўскрайку, гаражы, сцежкі, дзе вецер мяшае снег з дзіцячым смехам, і пераезды, дзе беларускія і польскія рэйкі сыходзяцца і разыходзяцца, нібы лёсы людзей, — усё гэта надае гісторыі асаблівую шчырасць і дакладнасць.

Для тых, хто рос у Брэсце, кніга становіцца не проста казкай, а вяртаннем у ўласныя 90-я: у двор з пахам мандарынаў і ў зімы, якія помніць толькі сэрца. Таму «Каляды 1992» асабліва кранальна прачытаецца менавіта берасцейцамі — яна трымае ў сабе амаль хатнюю атмасферу роднага горада.

Фрагмент з кнігі

«Стаяў тысяча дзевяцьсот дзевяноста другі год. Марыльцы і Цімоху было па адзінаццаць, і яны ведалі амаль усё. Кастусю было дзесяць, і яму ўжо купілі яго про першая акуляры, а мне, Наталцы, было да крыўдунанага мала — усяго восем. Мы сядзелі на самым уступе Беларусі, у тым закуточку Берасця, дзе вуліца Адамкова заканчвалася і пачыналася не-да-канца-зразумела-што…»

Што трэба ведаць пра выданне

Кніга мае 30 старонак, цвёрдую вокладку, каляровыя ілюстрацыі і, як адзначаюць выдаўцы, «цэлы мех успамінаў». Яе прапануюць браць з сабой у любую кампанію — каб было пра што пагаварыць.

Кніжка выйшла з друку 1 снежня. Набыць «Каляды 1992» можна на сайце выдавецтва Gutenberg Publisher.

Чытайце таксама: «Новогоднее чудо» на 20 рублей: как брестскому железнодорожнику «подарили» праздник

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро