Закрыццё адразу некалькіх харчовых крамаў у Жлобіне выклікала сумневы сярод жыхароў. У выканкаме запэўніваюць, што крамы адновяць.
Крама ў беларускай вёсцы. Ілюстратыўнае фота
У Жлобіне зачыняюцца адразу тры буйныя харчовыя крамы. Мясцовыя жыхары пераймаюцца, што на змену звыклым крамам прыйдуць менш зручныя і даражэйшыя варыянты.
Чытайце таксама: «Тунеядцев» массово отправили убирать снег в Гомельской области
На сітуацыю звярнула ўвагу медыя «Флагшток». Жыхары горада задаліся пытаннямі, чаму спынілі працу крамы па вуліцы Першамайскай, ці сапраўды закрываецца «Алмі» ў мікрараёне 18, і ці не апынецца на мяжы закрыцця крама «Цэнтральная».
Як піша газета райвыканкама, гэтыя тэмы актыўна абмяркоўваюць «у аўтобусах і на прыпынках, і нават распытваюць прадаўцоў». Выданне прывяло афіцыйны каментар начальніка аддзела гандлю і паслуг райвыканкама.
Паводле ўладаў, філіял «Аблгандальсаюз» не падоўжыў дамову арэнды з крамай «Дабраном» (вуліца Першамайская, 16). Акрамя таго, уласнік ААТ «Кампаньён» прыняў рашэнне прадаць памяшканні сваіх крамаў, размешчаных па адрасе Першамайская, 34, а таксама крамы «Цэнтральная». Пацверджана і закрыццё крамы «Алмі» па вуліцы Войкава, 1, аднак без тлумачэння прычын.
У Жлобінскім райвыканкаме запэўнілі, што пасля афармлення ўсіх неабходных працэдур і правядзення касметычнага рамонту новыя ўласнікі плануюць адкрыць у гэтых памяшканнях крамы іншых гандлёвых сетак.
Аднак некаторыя жыхары горада ставяцца да такіх абяцанняў скептычна. У сацсетках сітуацыю каментуюць з іроніяй: «Откроют убогие магазины Белкоопсоюз».
Розныя медыя ўжо звярталі ўвагу на тое, што ў многіх беларускіх небуйных гарадах і пасёлках паступова закрываюць крамы: прадуктовыя і прамысловыя. У вёсцы Ялізава Асіповіцкага раёна мясцовыя жыхары засталіся без адзінай крамы райпо. Праз гэта ім даводзіцца дабірацца да цэнтра пасёлка, каб патрапіць у іншую краму. Аднак не без праблемаў: паездкі на аўтобусе для жыхароў, большасць якіх складаюць людзі пенсійнага ўзросту, арганізавалі як часовую акцыю — з 1 лістапада 2025 да 31 сакавіка 2026. А пытанне з адсутнасцю крамы застаецца невырашаным.
У аграгарадку Красналукі Чашніцкага раёна спыніла працу прамысловая крама ў 2025 годзе. Яна была адзінай у населеным пункце, дзе мясцовыя жыхары маглі набываць непрадуктовыя тавары першай неабходнасці. Пасля яе закрыцця доступ да такіх тавараў для жыхароў вёскі ўскладніўся, асабліва для людзей сталага ўзросту і тых, хто не мае ўласнага транспарту.
Улады тлумачаць закрыццё нізкім тавараабаротам і нерэнтабельнасцю гандлёвага аб’екта. Пры гэтым паведамляецца, што частку непрадуктовых тавараў плануюць уключыць у асартымент мясцовай прадуктовой крамы, аднак тэрміны і аб’ёмы гэтых зменаў пакуль не вызначаныя.
Чытайце таксама: Беларуска параўнала кошты ў «Грошыку» і «Еўраопце»: вынік моцна яе здзівіў
Стали известны расценки на еду на фестивале Зубр-фест, который проходит в Беловежской пуще. В комментариях…
У Віцебскай вобласці прадаюць дзяржаўныя гасцініцы. Частка аб’ектаў ужо знайшла ўладальнікаў, астатнія выставяць на паўторныя…
В Бресте планируют построить шесть девятиэтажных домов на Дворцовой. В соцсетях горожане спорят о парковках,…
Маршрутку №2, а также автобусы №1А, 20 и 20А пустили в объезд. Жители Гершон прочувствовали…
На праспекце Міра ў Магілёве з’явіліся каменныя клумбы, якія часткова займаюць веладарожку. Гараджане не зразумелі…
Гомельская ініцыятыва «Лапкі» сцвярджае, што пасля пяці гадоў арэнды адрамантавала закінуты будынак, але цяпер ёй…