Жыхары Гомеля 3 верасня заўважылі перамяшчэнне мноства саставаў вагонаў на станцыі «Іпуць». Вагоны былі шэрага колеру з чырвоным і пазначаныя як «РЖД».
«Прычым было мноства грузавых вагонаў, проста шэрых, яны выглядалі як новыя. Былі таксама і пустыя платформы. Гэта ўсё прыбыла з боку Расіі», — расказала BGmedia жыхарка Гомеля Аксана.
Паводле яе, праз транспартаванне вагонаў прыкладна на паўгадзіны быў зачынены чыгуначны пераезд.
Сумесныя з Расеяй вучэнні «Захад-2025» запланаваныя на 12-16 верасня. На іх будзе адпрацоўвацца планаванне прымянення тактычнага ядзернага ўзбраення.
Вучэнні мусяць прайсці «у глыбіні краіны» — па загадзе Аляксандра Лукашэнкі.
«Мы свядома адсунулі вучэнні ад заходніх і паўднёвых межаў, каб нас не абвінавачвалі у рознага выгляду інсінуацыях і магчымых правакацыях», — заявіў начальнік Генеральнага штабу Павел Муравейка.
Тым часам, 31 жніўня пачаліся вучэнні АДКБ. У іх прымаюць удзел больш за 2 тысячы ваенных з Беларусі, Казахстану, Кыргызстану, Расеі і Таджыкістану.
Гомель і рэгіён ад 24 лютага 2022 году сталі пляцоўкай для расійскіх ваенных. Менавіта з аэрадромаў пад Гомелем і Мазыром выляталі ракеты, якія нішчылі ўкраінскія гарады. Адсюль жа пачалася расейская агрэсія і спроба захапіць Чарнігаў і Кіеў.
У Гомелі і Мазыры лячылі раненых расійскіх ваенных.
Афіцыйна Беларусь не ўдзельнічае ў вайне.
Читайте также: Польше предложили вернуть поезд между Брестом и Тересполем. Что из этого вышло, рассказали в Брестском облисполкоме
Наш канал в Telegram. Присоединяйтесь!
Есть о чем рассказать? Пишите в наш Telegram-бот. Это анонимно и быстро
Сообщить об опечатке
Текст, который будет отправлен нашим редакторам: