«Ябацька» не дайшоў да сцяга праз снег і цяпер скардзіцца на камунальнікаў

Праўладны блогер з Оршы, Дзмітрый, паказаў, у якім стане знаходзіцца Плошча Сцяга ў горадзе. Як вынікае з роліка, да месца так і не дабраліся камунальныя службы. І праз гэта адпаведна да сцяга ў цэнтры плошчы не змог дабрацца сам блогер.

Чытайце таксама: «Як у зоне адчужэння»: закінутая гасцініца ў Оршы прымусіла беларусаў задумацца пра стан краіны

«Што гэта з нашай плошчай дзяржаўнага сцяга? Чаму яна ўся засыпана снегам? Сёння ў нас 28 студзеня, а на плошчу не дабрацца ніяк. А гэта Парк герояў. Тут Лядовая арэнда. І наогул, чаму не прыбіраюць — не зразумела», — задаецца пытаннем Дзмітрый.

@dimonychbelkaплощадь государственного флага в городе Орша 28.01.2026♬ оригинальный звук — Белка 3 BY

Адзначым, што на ўзвядзенне Парка працоўнай славы са стэлай, флагштокам і плошчы Дзяржаўных сімвалаў ў Оршы вылучылі больш за 2 млн рублёў. Сам флагшток абышоўся ў 2 мільёны 60 тысяч рублёў, і гэта яшчэ не канчатковая сума. Але пры гэтым у афіцыйных ведамствах не паведамляюць, колькі грошай вылучылі на прыборку тэрыторыі пасля цыклону «Улі», што прынёс у краіну моцныя снегапады і маразы.

Што пра сітуацыю думаюць беларусы

У каментарах пад ролікам праўладнага блогера з’явілася шмат каментароў. Не ўсе беларускія карыстальнікі пагадзіліся з прэтэнзіямі аўтара відэа. Некаторыя нават задалі яму нязручныя пытанні. Хтосьці нават прапанаваў пачысціць снег самому.

• «Трэба спачатку чысціць плошчу, а ўжо потым дарогі, тратуары, прыпынкі, пад’езды да бальніц, паліклінікаў, садоў і школ?».
• «А калі ўсё прыбіралі снег, Вы дзе адседжваліся? Трэба было прыйсці і дапамагчы пачысціць».
• «Чаму ты прыйшоў без лапаты?».

Іншыя людзі далучыліся да крытыкі працы камунальных службаў у горадзе:

• «Усё банальна проста — аптымізацыя!», — адзначыў карыстальнік з іроніяй.
• «Па-мойму, калі быў «Арыён» дарогі і тратуары па ўсім горадзе за пару дзён былі вычышчаны ідэальна, а цяпер па горадзе проста катастрофа».
• «Сёлета ЖКГ аб***алася ўсюды».

Чытайце таксама: «Дзе яно, **яць, пачышчана?»: бабруйчане абураюцца на працу камунальных службаў праз «кашу» на вуліцах