Беларуска распавяла, што з-за снежнага завалу яна не магла выехаць нават у краму. Сітуацыя змянілася пасля таго, як яна апублікавала відэа ў TikTok.
Як жанчыне МНС дапамаглі выбрацца з-пад снежных завалаў
Беларуска Вікторыя ў сацсетках падзялілася праблемай: у вёсцы Пагост-1 Салігорскага раёна, куды яна прыехала разам з сям’ёй, быў моцны снежны завал. Праз яго было немагчыма выехаць у горад у краму. Па словах жанчыны, да гэтай вёскі так і не дабралася снегаўборачная тэхніка.
Чытайце таксама: Падчас снегападаў жыхары вёсак Слуцкага раёна застаюцца без магчымасці выезду
Аднак усё змянілася адразу пасля відэа, якое Вікторыя апублікавала ў сваім TikTok-акаўнце. «У панядзелак я патэлефаную ва ўсе інстанцыі, дазванюся да ўсіх начальнікаў, ЖКГ — да ўсіх, да каго толькі можна датэліцца. Я афіцыйна заяўляю: ім усім будзе “хана”. Таму што нашую дарогу ў вёсцы не чысцілі двое сутак. Нават больш. Да нас ніхто не прыязджаў. Сцеражыцеся. Я проста напішу паўсюль, куды толькі можна. Тое, што ў машыне грудное дзіця яшчэ, мала не падасца», — распавядае жанчына ў сваім роліку.
@vikamuhatova @Солигорск Новости @soligorsk_news @Солигорский телеканал @Солигорск @СОЛИГОРСК.ИНФО @Солигорск Город.бай @НОВОСТИ БЕЛАРУСЬ ♬ оригинальный звук — vikamuhatova
У каментарах пад відэа Вікторыя ўдакладняе, што ў іх раёне даслалі грэйдэр расчысціць дарогу: «Ён праехаў цэнтральнай дарогай, а далей па нашай вуліцы не паехаў. Ён палічыў, што далей чысціць не трэба. Ён проста развярнуўся і з’ехаў на сярэдзіне вуліцы. Афіцыйна наша вуліца пачышчана», — сцвярджае яна.
У каментарах меркаванні падзяліліся. Адныя людзі падтрымалі жанчыну, і нават распавялі пра аналагічныя праблемы ў сваіх мясцовасцях.
Іншыя карыстальнікі крытычна паставіліся да рашэння жанчыны скардзіцца ў розныя інстанцыі. На меркаванне некаторых каментатараў, у праблеме няма ніякай віны камунальнікаў, а толькі ў непрадказальнасці надвор’я.
Некаторыя каментатары наогул засумняваліся ў тым, што ў жанчыны нешта атрымаецца, бо яна «не адна такая» ў сваіх праблемах:
У хуткім часе пасля публікацыі першага роліка Вікторыя выклала новае відэа. На ім бачна, як да іх машыны здалёк пад’язджае машына МНС. Супрацоўнікі адкапалі дарогу. Пасля гэтага яны суправадзілі жанчыну з сям’ёй ажно да Мінска праз бяспечны маршрут.
@vikamuhatovaОткапали и сопровождают ❤️♬ Beat Automotivo Tan Tan Tan Viral — WZ Beat
Атрымоўваецца, што просьбы аб дапамозе ў розныя інстанцыі могуць добра працаваць — асабліва, калі атрымоўваюць шырокі розгалас у сацсетках.
Чытайце таксама: Беларус пачысціў месца для паркоўкі, але яго адразу занялі: у дварах узнікаюць «парковачныя войны»
У Клімавіцкім раёне будуюць сучасны свінакомплекс з аўтаматызацыяй і ростам вытворчасці. Але разам з амбіцыйнымі…
Оршанский мясокомбинат теряет самостоятельность и сокращает сотрудников. Похожая ситуация уже была в Слуцке — реакция…
Именно эта версия, по мнению брестчан, лучше всего объясняет, почему город начали активно «приводить в…
В Бресте у кладбища Плоска в пролеске нашли выброшенную просрочку — от рыбы до молочки.…
У Бабруйску загадчыцу гаспадаркі затрымалі з пакетамі прадуктаў са школы. Падобныя выпадкі ўжо фіксаваліся і…
Квартира в доме для нуждающихся в Бресте выставлена за кругленькую сумму. Узнали, законно ли это.