Звычайныя лекі — пад кантролем: з якімі таблеткамі могуць узнікнуць праблемы на мяжы

Папулярныя абязбольвальныя, заспакаяльныя і супрацьпрастудныя сродкі могуць выклікаць праблемы пры перасячэнні мытнай мяжы. Прычына — іх склад.

Чытайце таксама: Абсурд в Гомеле: грузчика наказали за таблетку от головной боли

Таможныя органы нагадваюць: каб пазбегнуць штрафаў, канфіскацыі або затрымання, варта загадзя ведаць простыя, але важныя правілы.

Асаблівую ўвагу просяць звярнуць на такія шырока вядомыя прэпараты, як Nurofen Plus, Theraflu ND, Карвалол, Трамадол, Феназепам, Gripex, Solpadein, Cirrus, Sudafed, Relanium, Diazepamum, Alprox, Lorafen і іншыя.

У іх склад уваходзяць рэчывы, якія адносяцца да наркатычных або псіхатропных: псэўдаэфедрын, кадэін, трамадол, фенабарбітал, дэкстраметорфан, лоразепам, дыязепам, альпразолам і падобныя.

Колькі лекаў можна ўвозіць

Наяўнасць такіх кампанентаў абавязвае дэклараваць лекі пры ўвозе і мець пры сабе адпаведныя медыцынскія дакументы. Пры перасячэнні мяжы з падобнымі прэпаратамі неабходна запоўніць пасажырскую мытную дэкларацыю і прайсці праз чырвоны калідор пункта пропуску.

Дэклараваць лекі павінен сам чалавек, які выкарыстоўвае іх выключна ў медыцынскіх мэтах. Дапускаецца перавозка:

• прэпаратаў з наркатычнымі рэчывамі — у колькасці не больш за тыднёвую патрэбу;
• прэпаратаў з псіхатропнымі рэчывамі — не больш за 90 разавых доз.

Якія ўмовы пры дэклараванні

Абавязковай умовай з’яўляецца наяўнасць медыцынскіх дакументаў, дзе пазначаныя назва лекаў, дазіроўка і неабходная сутачная колькасць. У Беларусі такімі дакументамі лічацца выпіска з медыцынскай карты або рэцэпт (ці яго копія), завераныя подпісам і пячаткай урача.

Дакументы павінны быць складзеныя на беларускай або рускай мове. Калі яны выдадзеныя на замежнай мове, неабходны завераны пераклад.

Мытныя органы РБ рэкамендуюць уважліва правяраць склад лекаў, нават калі яны здаюцца звыклымі і бяспечнымі. Гэта дапаможа пазбегнуць непрыемных сітуацый на мяжы.

Чытайце таксама: В Пинске жена сдала мужа милиции за необычное преступление. О чем речь?

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро