Валерый Карбалевіч: Лукашэнка гандлюе тым «таварам», які мае

Цэнтральнай падзеяй мінулага тыдня стаў прыезд спецпасланніка Трампа – Кіта Келага ў Мінск і вызваленне беларускіх 14—палітвязняў. Гаворка пра беларускіх палітвязняў досыць умоўная, бо лукашэнкаўскі рэжым вызваліў інтэрнацыянальную брыгаду з турмаў: сярод вызваленых не толькі беларусы, але і грамадзяне Польшчы, Латвіі, Эстоніі, Швецыі.

Аднак 14 чалавек удалося жывымі выцягнуць з кіпцюроў лукашэнкаўскага рэжыму – і гэта вельмі добрая навіна.

Чытайце далей: Келлог – в Минске, Тихановский – в Вильнюсе: Лукашенко начинает торг с Западом?

Дагэтуль не зразумелая галоўная місія Кіта Келага, які ў адміністрацыі Трампа займаецца пытаннямі вайны ва Украіне. Хіба спецпасланнік адмыслова ляцеў з ЗША ў Мінск, каб забраць з сабой 14 палітвязняў? Нешта не вяжацца. Аднак вызваленне палітвязняў стала пакуль адзіным бачным вынікам візіту Кіта Келага.

Пра галоўныя падзеі мінулага тыдня разважае палітычны аглядальнік Радыё Свабода Валерый Карбалевіч.

Аналітык кажа, што галоўная мэта апошняга вызвалення палітвязняў – прыцягнуць увагу да гэтай падзеі, нарабіць інфармацыйнага шуму.

— Беларускія ўлады разлічвалі на тое, каб стварыць вялікі эфект вакол гэтага вызвалення. А такі эфект можна было стварыць, вызваляючы знакавых асоб. Грамадзян Злучаных Штатаў ужо ўсіх вызвалілі, журналістаў Радыё Свабода паціху вызваляюць – гэта ўжо не сенсацыя. А вось вызваленне такой знакавай фігуры, як Сяргей Ціханоўскі, выкліча міжнародны рэзананс, — мяркуе Валерый Карбалевіч.

— А з іншага боку, магчыма, беларускія ўлады разлічваюць нейкім чынам нейтралізаваць Святлану Ціханоўскую. Магчыма, яны спадзяюцца, што вызваленне яе мужа Сяргея паўплывае на актыўную дзейнасць беларускай нацыянальнай лідаркі, — дапускае аналітык.

Чытайце далей: Фридман: Лукашенко совершенно точно показал: каждый политзаключенный в Беларуси имеет свою цену 

Пры гэтым Валерый Карбалевіч сумняецца ў наяўнасці канкрэтных дамоўленасцяў геапалітычнага характару і датычных да расійска-ўкраінскай вайны паміж Келагам і Лукашэнкам.

— Калі казаць пра дамоўленасці геапалітычнага характару, па вайне ва Украіне, то пра іх нічога не вядома. Магчыма, і не ўдалося прыйсці да нейкага ўзаемапаразумення. Тут праблема ў тым, што Лукашэнку ў геапалітычным плане няма чым гандляваць. У замежнай палітыцы, у вайсковай палітыцы, у пытаннях вайны ва Украіне Лукашэнка амаль несуб’ектны і паўплываць на гэтыя працэсы не можа. А вось на што ён можа паўплываць, то сапраўды на вызваленне палітвязняў. То-бок, Лукашэнка гандлюе тым «таварам», які ў яго ёсць.

Чытайце далей: «Семейный» визит Лукашенко в Китай: что скрывается за ширмой дружбы?

Палітычны аглядальнік называе прыезд спецпасланніка Трампа Кіта Келага важнай падзеяй у беларуска—амерыканскіх адносінах, у знешняй палітыцы Беларусі.

— Сапраўды, вакол гэтага візіту шмат шуму. Гэта выклікана тым, што Беларусь дасюль была ў міжнароднай ізаляцыі, жорсткай ізаляцыі, пад жорсткімі санкцыямі і з боку ЗША, і з боку Еўрапейскага Звяза. Лукашэнку не прызнавалі – і не прызнаюць – прэзідэнтам Беларусі. І на гэтым тле візіт келага сапраўды з’яўляецца трохі нечаканым і дастаткова знакавым. Невядома, ці паабяцалі Злучаныя Штаты за вызваленне 14—ці палітвязняў нейкія палёгкі (змены ў санкцыях ці ці іншыя рэчы, якія б хацеў бачыць афіцыйны Мінск). Невядомыя на сённяшні дзень пра іншыя вынікі візіту, акрамя вызвалення палітвязняў, — іншы вынікаў перамоваў няма.