Хлопца шакавалі кошты на мэблю ад «Пінскдрэў»: беларусы падтрымалі яго абурэнне

Хлопца шакавалі кошты на мэблю ў краме «Пінскдрэў» у Наваградку, і яго абурэнне падтрымалі многія беларусы. Ён прыйшоў паглядзець кухонныя гарнітуры і невялікі абедзенны стол, але замест гэтага глядзеў з неразуменнем на кошты.

Чытайце таксама: Жывёлавод з Брэстчыны паказаў заробак і шакаваў людзей

«Прыйшоў я ў Пінскдрэў. Думаў, гляну там кухню, столік… І думаю, вазьму я лепей шмат парсюкоў», — кажа хлопец, гледзячы на цэны.

Як вынікае з відэа, сталешніца з рымскага камяню каштуе 25 709 рублёў. Невялікі абедзенны стол абыйдзецца ў 1 249 рублёў, а вуглавая канапа — 11 000 рублёў. Каментуючы падушкі ад канапы, якія пачынаюцца ад 40 рублёў, хлопец адзначае: «Ну, падушкі ў прынцыпе можна ўзяць, капейкі».

@agro_blog_international Что думаете?#пинскдрев #амимебель ♬ suara asli — 𝟑𝟎𝟑 𝐍𝐨𝐚. — 𝟑𝟎𝟑 𝐍𝐨𝐚.𖥔 ݁

Многія людзі падтрымалі яго абурэнне ў сацсетках. Яны падкрэслілі, што кошты на мэблю сапраўды вельмі высокія, і дазволіць сабе гарнітуры ад «Пінскдрэў» можа не кожны.

«А потым пытаюцца, а чаго беларускае не купляем», — піша адзін з карыстальнікаў.

«Сапраўды, лепш купіць парсюкоў», — дадаюць іншыя.

Некаторыя адзначалі: «Мне вось дужа цікава, хто ж купляе гэтыя шэдэўры», «Гэта колькі трэба зарабляць, каб купляць гэту мэблю?» і «Цэнаўтварэнне як у Белвест». А некаторыя пажартавалі: «Проста як самалёты вырабляюць, а не мэблю».

Нагадаем, што раней у мэблі ад «Пінскдрэў» адзначаліся праблемы з коштамі і якасцю. Так, адна жанчына паскардзілася на канапу за 6 000 рублёў, якая пачала развальвацца праз 9 месяцаў выкарыстання. У краме ёй абяцалі замяніць канапу, аднак падобныя выпадкі яшчэ раз выклікаюць у беларусаў пытанні да коштаў і якасці мэблі ад вядомай беларускай фірмы.

Чытайце таксама: «Диван за 6 тысяч превратился в развалюху» — беларусы обсуждают качество мебели «Пинскдрев»