Школьнікі ў TikTok бурна рэагуюць на забарону тэлефонаў і жартуюць з Міністэрства адукацыі.
Крупны план старшакласнікаў, якія карыстаюцца мабільнымі тэлефонамі
Пад адным відэа ў TikTok на тэму забароны тэлефонаў з’явілася шмат меркаванняў і жартаў. Большасць каментатараў выказалася супраць гэтага рашэння. Журналiсты BGmedia адабралі самыя цікавыя з іх і падзялілі па катэгорыях.
Так мяркуюць беларускія карыстальнікі TikTok на новаўвядзенні. Шмат вучняў піша пра вэрхал у школах у першыя дні навучання: паламаныя ўнітазы, разбітыя вазоны з кветкамі і вокны, сцены прыбіральні, абляпленыя вільготнымі сурвэткамі, знятыя завесы з дзвярэй кабінак, а таксама выкінутае цеста на дрожджах.
«Хутка мы ўсё паламаем, вось і вернуць назад тэлефоны» – жартуюць школьнікі ў TikTok.
Нехта распавёў, што ў адной са школаў шафы для захоўвання тэлефонаў ужо паламалі ў першы навучальны дзень. Іншыя вучні кажуць, што ў знак пратэсту гатовы ламаць парты, дзверы ці нават унітазы, «каб у школы не заставалася іншага выйсця, як вярнуць тэлефоны».
Чытайце таксама: Месца працы стала турмой: настаўнік пра забарону тэлефонаў
Навучэнцы падзяліліся праблемай, што акрамя тэлефонаў, ім не дазволена весела бавіць час у якасці альтэрнатывы гаджэтам: нельга бегаць на калідорах, граць у хованкі. Дзесьці нават забаранілі прыносіць гральныя карты ў школу, а таксама настольныя гульні. Такія забароны выклікаюць у іх абурэнне.
Каментатары напісалі пра розныя спосабы абыходу забароны. Напрыклад, несці з сабой некалькі тэлефонаў, і аддаваць адзін з іх на здачу.
Іншыя раяць падманваць настаўнікаў, нібыта тэлефон пакінулі дома, каб мець магчымасць карыстацца ім у школе.
«Абшукваць вас не маюць права. Галоўнае – не даставайце іх пры настаўніках і “пацуках”, каб на вас не напісалі дакладную», — тлумачаць каментатары.
Карыстальнікі TikTok адзначаюць, што сцены шафаў для захоўвання вельмі крохкія, таму тэлефоны могуць лёгка выпасці. Паводле іх словаў, на гэта ўжо звярнулі ўвагу нават настаўнікі.
Пад відэа таксама з’явіліся і каментары ад дарослых, якія сцвярджаюць, што дзеці проста не хочуць вучыцца, і закон правільны. Школьнікі ж адказваюць ім: «Мне камфортна, калі мой тэлефон пры мне, і настаўнікі не супраць», «Тэлефон не перашкаджае мне атрымліваць веды».
Чытайце таксама: Міліцыя ўзялася за «дармаедаў» за мяжой. Падключылі нават ДАІ
Беларуска показала в Threads шампиньоны и клубнику, которые привезла «Е-доставка». За заказ стоимостью более 400…
Сцяна былога езуіцкага касцёла ў Бабруйску абвалілася яшчэ ў траўні 2025 года. За год пасля…
У Магілёве пачалі рэканструкцыю грамадскай прыбіральні ў парку Горкага. Аднак у каментарах навіну сустрэлі з…
В Каменце годовщину освобождения превратили в масштабную реконструкцию войны. На глазах зрителей жгли сарай, конвоировали…
Случчане ўсё часцей скардзяцца на зарастанне ракі Случ: у некаторых месцах плынь ужо амаль не…
Гигантский кошелек с 5 рублями у Каменецкой башни вызвал споры: жители критикуют арт-объект, а госСМИ…