Маці распавяла дачцы пра кошты на жытло ў Беларусі. Рэакцыя дзіцяці бескаштоўная

Блогерка з нікам ta.rusetskaya вырашыла пагаварыць са сваім дзіцём пра кошты на нерухомасць у Беларусі, і апублікавала відэа іх размовы. Дзіця моцна здзівілася: «Як можа аднапакаёвая кватэра каштаваць $69 000? Якім чынам?». Маці патлумачыла, што гэта кошт без рамонту.

«Гэта яшчэ 30 000, так?» — пытаецца дачка. Маці адказала, што усё залежыць ад таго, які рамонт яна хоча.

«Там яшчэ розны кошт на рамонт? І гэта ў далярах?» — дзяўчына пачынае залівацца смехам.

«Гэта на сённяшні дзень. Пакуль ты збярэшся купляць, яна будзе яшчэ даражэй», — удакладніла маці. Дачка ў шоку.

@ta.rusetskayaпросто разговор с ребенком о ценах на недвижимость сегодня 😜♬ TUTUTUTU — NUEKI & TOLCHONOV & GREEN ORXNGE

Як на гэта адрэагавалі людзі?

У каментарах многія падзялілі эмоцыі дзяўчынкі.

«А я нагадаю, што працуючы за мінімальны заробак, адкладаючы ўсе грошы без харчавання і працуючы да пенсіі, на кватэру яшчэ не хопіць».

«Шок у шоцы.. Памятаю яшчэ двушкі па $17 000. Быццам пры мамантах было».

«Мінск са сваімі коштамі, канешне, звар’яцеў… Не разумею, на што туды ўсе едуць. У Гомелі аднушку з добрым рамонтам можна набыць за $35-40 тыс.».

«Слухайце, а дамы ў вёсцы за дзве базавыя гучаць прывабна».

Чытайце таксама: «На какую следующую хрень пойдут деньги?» В Орше открыли флагшток за 1,7 млн рублей

Знайшліся і людзі, якія параілі купляць нерухомасць у іншых гарадах.

«А дзе кватэра-аднушка каштуе $65 000? Калі ў Мінску, то можа быць. Але ж ёсць шмат іншых гарадоў, дзе кватэры каштуюць, напрыклад, $20 000 з ужо зробленым рамонтам. Ці абласныя цэнтры, дзе кватэра будзе каштаваць, напрыклад, $40000 з добрым рамонтам».

«Не ў Беларусі, а ў Мінску. У Ганцавічах можна давзоліць сабе купіць».

«У горадзе Новалукомль аднапакаёвыя кватэры каштуюць $12–15 тыс., двухпакаёвыя — $17–20 тыс., трохпакаёвыя — $23–27 тыс., чатырохпакаёвыя — $27–33 тыс. У Віцебску кошт кватэр залежыць ад размяшчэння і складае ад $20 тыс. да 45 тыс. без рамонту. Стандартныя кватэры маюць плошчу 30–34 м²».

Але не ўсе пагадзіліся з перспектывай пераязджаць у маленькія гарады дзеля танных кватэраў.

«А што рабіць у вашых Ганцавічах… На лыжах бегаць?».

«Так, кошты сапраўды прывабныя! Але чым займацца ў Навалукомлі? Дзе працаваць, як бавіць час, вучыцца пасля школы?».

«У абласных гарадах за забітыя бабушатнікі просяць нейкі жах! Літаральна ўчора пабачыў аб’яву: кватэра цалкам голая, з распачататай, але не скончанай планіроўкай (затое новы балкон і ўваходныя дзверы). $45 тыс. Двушка, якая ўтварылася ў аднушку (Віцебск)».

Чытайце таксама: «Неоправданно дорого»: беларуска рассказала, во сколько ей обошелся отдых в санатории «Сосны» на берегу Нарочи