Сёння, 21 чэрвеня, ў Мастах Гродзенскай вобласці пабываў дэсант са Следчага камітэта Гародні, які правёў два вобшукі ў бацькоў Алеся Зарэмбюка і па месцы ягонай прапіскі. Супраць кіраўніка Беларускага дома ў Варшаве ўзбуджаныя тры крымінальныя справы, адна з якіх за тое, што ён нібыта з’яўляецца кіраўніком Палка Каліноўскага.
Падрабязнасці гэтай дзіўнай гісторыі распавёў сам Алесь Зарэмбюк.
– Са мной усё добра: я ў Варшаве, у Польшчы. Сёння раніцай маім бацькам патэлефанавалі са Следчага камітэта Гародні, прыехалі чатыры супрацоўнікі, у якіх былі два ордары на ператрусы: па месцы маёй прапіскі (я і прапісаны на радзіме, і грамадзянін Беларусі) і ў доме маіх бацькоў. Сказалі, што тры крымінальныя справы супраць мяне ўзбуджаныя, у рамках якіх адбыліся і ператрусы, і допыты бацькоў.
Адзін з супрацоўнікоў запытаў: калі ўжо польскія танкі ўвойдуць у Беларусь? На што мае бацькі адказалі: не прыдумляйце казкі, ніхто польскія танкі не збіраецца ўводзіць у Беларусь.
Пыталіся, калі я прыязджаў у Беларусь, калі мы бачыліся апошні раз з маімі бацькамі. Бацькам паказвалі вельмі многа папераў, пад якімі трэба было распісацца і пацвердзіць праўдзівасць запісаных паказанняў.
Канешне ж, праверылі тэлефон, тэлеграм, TikToк – праверылі на наяўнасць забароненых каналаў, падпісак і гэтак далей.
Читайте также: В Беларуси опасно носить с собой мобильник: могут проверить и посадить. Рассказываем, как обезопасить себя
– Якія абвіначванні вам вылучаныя?
– Невядома. Вядома толькі, што адна крымінальная справа нібыта датычыць Палка Каліноўскага: нібыта я з’яўляюся кіраўніком Палка Каліноўскага, што абсалютна не адпавядае рэчаіснасці. Зразумела, што ў Беларускім доме знаходзіцца цэнтр падтрымкі палка, але не я гэтым цэнтрам кірую, я ўвогуле не маю да яго ніякага дачынення: мы толькі дапамагаем нашым хлопцам утрымліваць гэты цэнтр і збіраць медычную, прадуктовую дапамогу для нашых хлопцаў, якія бароняць Украіну.
Сённяшняя гісторыя яшчэ раз падкрэслівае, што лукашэнкаўскія спецслужбы абсалютна не валодаюць інфармацыяй пра тое, хто кіруе палком, хто ў яго ўваходзіць; яны заяўляюць, што ведаюць усіх пайменна, але крымінальная справа супраць мяне толькі пацвярджае, што дакладна яны нічога не ведаюць. Я грамадзянскі чалавек і да Палка Каліноўскага не маю ніякага дачынення. Хіба толькі ўскоснае: у будынку Беларускага дома знаходзіцца цэнтр падтрымкі беларусаў, якія бароняць Украіну і мы гэтага ніколі і не хавалі.
Читайте также: Сяргей Бульба: Рэжым Лукашэнкі рыхтуе ідэальныя ўмовы для транзіту ўлады
– Можа, гэта і стала асноўнай прычынай цікавасці спецслужбаў да вашай асобы?
– Не ведаю. Але ж узбуджаныя тры крымінальныя справы, адна з якіх – што я нібыта кіраўнік Палка Каліноўскага. Безумоўна, бацькам не далі на рукі ні дакументаў, нават не дазволілі сфатаграфаваць паперы. А пра што дзве другія справы – не ведаю.
Пыталіся, ці прыязджаў я ў Беларусь. А як я мог прыехаць, калі ў 2010 годзе супраць мяне ўзбуджалі крымінальную справу, з-за якой я і эміграваў. Што праўда: гэтую справу пасля закрылі з-за адсутнасці ці то складу злачынстваў, ці то доказаў. Больш чым за 13 гадоў майго жыцця ў Польшчы я ні разу не ездзіў у Беларусь: не таму, што я не хацеў, а таму, што не было магчымасці. А зараз аднекуль узяліся тры новыя крымінальныя справы супраць мяне.
Для мяне гэта паказчык таго, што ў беларускага рэжыма сапраўды ўсё вельмі кепска, і рэжым валодае інфармацыяй, што беларускае грамадства яго ніяк не падтрымлівае. То бок, большасць яго не падтрымлівае: калі яны чапляюцца за мяне, чалавека, які больш за 13 гадоў жыве ў Польшчы, заводзяць на мяне адразу тры крымінальныя справы – пра што тут можна казаць? З аднаго боку, гэта вельмі дзіўна, а з другога – паказвае стан гэтага рэжыма, які баіцца нават ценю такога маленькага чалавека, як я.
Возможно, нескольких зубров подарили председателю Юрию Шулейко, у которого одна из самых больших коллекций лесного…
Последнее слово в миграционном кризисе – за Кремлем: слишком высокие ставки поставлены на кон.
А в начале июля будут суть брестского врача анестезиолога-реаниматолога Тимура Лозко. Подробности этих и других…
Происходящее снимали на видео обе стороны конфликта. Угадайте, кого наказали. Журналист BGmedia узнал, что за…
BGmedia узнало, какие сезонные ягоды и фрукты выгоднее покупать на рынке в Бресте, а какие…
В приграничных чатах не особо верят в закрытие всех погранпереходов на границе Польши с Беларусью,…