Мінадукацыі змяніла спіс прадметаў для ЦТ і ЦЭ, што выклікала абурэнне школьнікаў: замест англійскай будучым юрыстам давядзецца рыхтавацца да гісторыі.
экзамен ЦТ в Беларуси. фото: neg.by
Міністэрства адукацыі Беларусі ўнесла карэктывы ў спіс прадметаў для ЦТ і ЦЭ, што выклікала хвалю абурэння сярод школьнікаў. Цяпер для некаторых спецыяльнасцей замест англійскай і фізкультуры трэба рыхтавацца да Гісторыі Беларусі, хіміі і біялогіі. У сацыяльных сетках дзеці дзяліцца сваім абурэннем і крытыкуюць нечаканыя змены.
Чытайце таксама: Без тэлефонаў і туалетнай паперы: дзеці скардзяцца на ўмовы ў школе
Пастановай Міністэрства адукацыі ад 5 студзеня 2026 г. № 11 быў удакладнены спіс груп спецыяльнасцей і адпаведных ім профільных іспытаў для паступаючых ва ўстановы вышэйшай адукацыі. Змены закранаюць некаторыя спецыяльнасці, дзе будуць зменены прадметы профільнага іспыту.
Напрыклад, для спецыяльнасцей «Дзяржаўнае кіраванне і права», «Сацыяльныя камунікацыі ў дзяржаўным кіраванні», «Правазнаўства» і іншых з 1 студзеня 2027 года абавязковымі прадметамі стануць сацыяльныя веды і гісторыя Беларусі ў кантэксце сусветнай гісторыі, у той час як да 31 снежня 2026 года неабходна было здаваць Грамадазнаўства і Замежную мову.
Для спецыяльнасці «Турызм і прыродакарыстанне» з 2027 года прадметамі стануць біялогія і хімія, раней — фізкультура і біялогія. Постанова ўступае ў сілу 23 студзеня 2026 года.
У адказ на гэтыя змены школьнікі сталі публікаваць відэа ў TikTok, дзе выказваюць сваё абурэнне. «Міністр адукацыі паведаміў пра гэта толькі цяпер, калі ўсе ўжо пабудавалі планы і нанялі рэпетытараў», — кажа аўтарка аднаго з ролікаў.
@lizwwxiqqeri восхищаюсь им😍😍 #рекомендации ♬ Children — Dream Version — Robert Miles
Беларускія школьнікі не хаваюць свайго абурэння. Некаторыя адзначаюць супярэчнасць паміж прадметамі і будучай спецыяльнасцю:
Ёсць і тыя, хто проста расчараваны аб’ёмам работы:
Нягледзячы на тое, што змены ўступяць у сілу толькі з 2027 года, многія школьнікі лічаць гэта несправядлівым. Бо тыя, хто рыхтаваўся загадзя, ужо пабудавалі планы і інвеставалі час і грошы ў рэпетытараў, а цяпер ім даводзіцца перапланаваць сваю падрыхтоўку.
Чытайце таксама: У Беларусі ўводзяць электронныя сертыфікаты ЦТ і ЦЭ, але не без праблемаў
Быховскую скульптуру, вызвавшую волну насмешек и возмущения, отправили на доработку. Но вопросов к автору и…
Урад плануе паступова скарачаць субсідыі на ЖКГ і пераглядаць тарыфы кожны квартал. Беларусы ўжо абмяркоўваюць…
Долгие годы стотысячный город жил без дежурных фармацевтов. Теперь купить лекарства ночью можно три раза…
Мужчыну не спадабаліся рогі, зоркі на грудзях намаляванага персанажа і надпіс men па-англійску. Але ў…
«Евроопт» опубликовал вакансии в Бресте с зарплатами до 2 140 рублей — в комментариях горожане…
БелЖД вводит ежедневные поезда бизнес-класса до Минска и Барановичей. Жители рады, но жалуются на логистику…