Колькі каштуе партрэт Лукашэнкі ў падземных пераходах?

Беларуска, якая адкрыта падтрымлівае Аляксандра Лукашэнку, апублікавала ў TikTok відэа з падземнага пераходу ў Мінску. Яно выклікала бурныя рэакцыі ў беларусаў.

Чытайце таксама: Дзяўчына з Эквадора здзівілася «беларускім тэхналогіям» пры сушэнні посуду

У адным з падземных пераходаў на чыгуначным вакзале Мінска аўтарка відэа заўважыла прылавак з беларускімі сувенірамі: талеркамі з дзяржаўным гербам, статуэткамі са славутасцямі краіны… І партрэтам Лукашэнкі. Менавіта ягоны кошт моцна абурыў жанчыну: партрэт ацанілі ўсяго ў 78 капеек, у той час як талеркі каштуюць ад 35 рублёў, а статуэткі — не менш за 20.

@babkayagaa ♬ оригинальный звук — yana banana

Што людзі адказалі жанчыне

У каментарах пад відэа многія карыстальнікі знайшлі свае тлумачэнні, чаму партрэт Лукашэнкі так мала каштуе.

«Попыт стварае прапанову»

Адно з тлумачэнняў каментатараў — на такія партрэты проста няма попыту. Іх мала хто набывае, і таму кошт адпаведна нізкі.

«Гэта ж не Мона Ліза!».
«Такая кан’юнктура рынку: попыт стварае прапанову».
«Я бы і за бясплатна не ўзяў. Па-першае, ён не з’яўляецца законным прэзідэнтам. Па-другое, гэта наогул не партрэт!».
«Я наогул здзіўляюся, што гэта хтосьці можа купіць».
«Ён жа не цар, каб быць дарагім».

цена на портрет Лукашенко — Цана на партрэт Лукашэнкі і іншыя сувеніры. скрыншот з відэа ў TikTok

«Цана апраўданая»

Іншыя карыстальнікі лічаць, што такая цана цалкам апраўданая. Тлумачаць яны гэта рознымі прычынамі:

«Усё таму што гэта старое фота, якому ўжо 30 год».
«Таму што Лукашэнка таннейшы, чым папера, на якой яго надрукавалі».
«Прадукцыя мусіць быць даступная, інакш хто тады гэта будзе купляць?».

«Трэба спяшацца з пакупкамі!»

Беларусы пажартавалі, што такі нізкі кошт — гэта «разавая акцыя да Чорнай пятніцы». Маўляў, трэба спяшацца з купляй, пакуль «партрэты зноў не падаражэлі».

«Усім тэрмінова купляць! Выдаць закон у загадным парадку. Для фанатаў у кожны пакой, у туалет і ванную, а на ноч малітву ім чытаць і цалаваць партрэт».
«У аўторак у сто разоў падаражэе…Таму хутчэй закупайцеся».
«На зніжках. Чорная пятніца».

За колькі прадаюць партрэты Лукашэнкі?

Варта адзначыць, што ў беларускіх анлайн-крамах партрэт Лукашэнкі адсутнічае — яго можна толькі раздрукаваць з афіцыйнага сайта «Прэзідэнта Рэспублікі Беларусь». Затое ў Расіі і Арменіі такі тавар прадаюць даволі актыўна і, як сцвярджаюць прадаўцы, «у лепшай якасці». Кошты таксама могуць парадаваць «ябацек».

цена на портрет Лукашенко в России — Цана на партрэт Лукашэнка ў Расіі. Скрыншот з mospraz.ru

У Расіі партрэт каштуе ад 1500 да 4100 расійскіх рублёў (прыкладна ад €15 да €43) — у залежнасці ад памеру і рамкі. У Арменіі ён прадаваўся ў расейскай сетцы Ozon за 12 364 драмы (каля €28), але цяпер недаступны для замовы.