«Як жа я памылілася»: жыхарка Наваполацка распавяла пра хамства гінеколага ў дзяржаўнай клініцы

Жыхарка Наваполацка Марыя падзялілася праблемай, з якой сутыкнулася ў дзяржаўнай паліклініцы №4. Там жанчына патрапіла на прыём да гінеколага, якую раней ведала з мінулага прыёма ў прыватнай клініцы. Тады ёй падалося, што гінеколаг даволі адэкватная і ветлівая, і скаргаў на яе не ўзнікла. Але ў дзяржаўнай установе ўсё было па-іншаму. Па словах Марыі, урач паводзілася па-хамску, а агляд быў праведзены груба і непрафесійна.

«Як жа я памылілася… На колькі чалавек зусім па-іншаму ставіцца да сваёй працы ў звычайнай паліклініцы, а не ў платнай. Гэта проста жах. Мала таго, што яна вельмі балюча праводзіць агляд (увесь, грудзяў у тым ліку), і нібыта наўмысна, так акрамя гэтага, яна яшчэ і хаміла. Хаця я заўсёды максімальна тактоўная», — распавядае Марыя.

Чытайце таксама: «Калі ўрачоў не хапае, дык на што іх лаяць?»: беларусы паспрачаліся, ці варта скардзіцца на медыкаў

«У мяне самой маці — медык. Але скажыце, урачы, што мяняецца ў вашых галовах, калі вы працуеце ў платнай клініцы і ў звычайнай?», —  задалася пытаннем жанчына.

@mashakuntsevich #гинеколог #врач#поликлиника#приемуврача #новополоцк ♬ оригинальный звук — Творческая Маша

На думку аўтаркі відэа, у яе выпадку адыграўся чалавечы фактар: бо менавіта на працы ў дзяржаўнай клініцы «і вылазіць сапраўдны характар чалавека».

«Выходзіла з прыёму са слязьмі на вачах». Гісторыі пацыентак гінеколага

У каментарах сустракаюцца як спробы абясцэніць тое, што здарылася з Марыяй, так і словы падтрымкі ў яе бок. Але найбольш паказальнае — гэта тое, што гісторыя жанчыны не ўнікальная.

Падобныя выпадкі, як высветлілася, адбываюцца не толькі ў гэтай клініцы, але і ў іншых гарадах краіны. Беларускі актыўна дзеляцца сваім досведам, і, на жаль, большасць іх гісторый — негатыўныя. Пазітыўныя водгукі таксама ёсць, але значна радзей і не ў той дзяржаўнай установе, пра якую распавядала Марыя.

Урач, пра якога ішла гаворка, пакінуў непрыемныя ўражанні ў некалькіх пацыентак.

• «Адразу падумала пра яе. Была ў яе аднойчы на прыёме. У выніку выходзіла са слязьмі на вачах. Адразу дыягназамі ўсялякімі “ўзнагародзіла”, якіх у выніку і не апынулася. Стасавалася з пагардай, і так, нібыта я яе адцягваю ад важных справаў».
• «Патрапіла да яе два разы, у першы раз пасля наведвання былі жахлівыя адчуванні. А ў другі раз, калі мой урач быў у адпачынку, мяне зноў накіравалі да яе. І нейкі цуд: неба і зямля… Выдаўся ўдалы прыём».

Чытайце таксама: Слуцкі радзільны дом усё ж закрылі. Цяжарных з усяго раёна адвозяць у іншыя гарады

@365bel Беларуские школьники в заблуждении: зачем нужен медпункт в школе, если медсестры никогда нет на рабочем месте? После того, как мальчик из Витебска сломал руку в школе и не мог попасть в медпункт, так как он был закрыт, ученики начали делиться опытом своих школ в комментариях под видео. «У нас он работает три дня в неделю по два часа. А до девятого ноября вообще закрыт», «Медсестра была пару раз за восемь лет», — рассказывают дети. Те, кому «повезло» больше, столкнулись с надменностью и безответственностью сотрудников. Часто от всех болезней школьникам дают уникальное лекарство — глицин. «У одноклассника закружилась голова — медсестра сказала попить воды и лечь спать», — делится ученик. #беларусь #школыбеларусь #школаглазамишкольника #беларусьгимназия #школа ♬ original sound — 365bel

Розніца паміж дзяржаўнай і прыватнай клінікай

Беларускі ў TikTok падзяліліся сваімі думкамі пра тое, чым адрозніваецца абслугоўванне ў дзяржаўных клініках ад прыватных.

• «Платны і бясплатны ўрач — гэта два розныя чалавекі, хоць і твар у іх адзін. Гэта сумная рэчаіснасць нашай медыцыны».
• «Калі ў платнай клініцы хтосьці скардзіцца на ўрача, то яго звальняюць, а плоцяць там больш. А ў дзяржаўнай паліклініцы можна скардзіцца, але нічога не зменіцца».
• «Я патрапіла да гінеколага-хамкі. Пайшла да галоўнага ўрача, ён выбачыўся і патлумачыў, што сёння яна пасварылася з мужам-хірургам, вось таму і злая. Скаргу я пакінула».

Чытайце таксама: Жанчына з Брэста падзялілася пазнакай у сваёй медкартцы. Урачам гэта не спадабалася

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро