Мая матуля

Родная, мiлая, матулька дарагая,

Вобраз светлы твой я бачу прад сабою,

Ты для мяне, як i калiсьцi, маладая

I назаўжды застанешся такою.

Цяпло душы, пяшчоту ад цябе

Удосталь у дзяцiнстве адчуваў,

Штодзень не шкадавала ты сябе,

Каб я матулiн клопат спазнаваў.

Ты ноччу неспакойна, мала спала:

Дзiцячы плач не раз перашкаджаў.

Ды i цяпер яшчэ не перастала

Перажываць, хоць i дарослым стаў.

Ты навучыла жыць мяне сумленна,

Не падаць духам, не губляць надзей,

I працаваць старанна i натхнёна,

Любiць Айчыну, паважаць людзей.

За дабрабыт мой i за тую казку,

Што апавядала вечарамi мне,

За клопат твой, каханне i за ласку

Зямны паклон, матулечка, табе.

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро