Навагодняя казка

Новы год ужо не за гарамi,

I Дзед Мароз з унучкаю сваёй

Рыхтуе санi i мяшок з дарамi,

I хутка зазвiнiць званочак пад дугой.

 

А галасок яго бадзёры, прывiтальны,

I будзе так выразна ён гучаць,

Нiбы сiгнал дзятве апавяшчальны:

«Пара Снягурку з Дзедам сустракаць».

 

Гадзiны iдуць, i цемра надыходзiць,

А гукаў бома штосьцi не чуваць.

I на дзяцей ужо стомленнасць находзiць,

Яны iдуць да ложкаў спачываць.

 

А Дзед Мароз з Снягуркай — чарадзеi,

Да iх яны апоўначы прыйдуць

I споўняць у дзяцей iх мары i надзеi,

Дары з мяха пад елкi пакладуць.