Лідэр гурта «Троіца» прадставіў 29 студзеня ўнікальную праграму, якая была створана па матэрыялах беларускага фальклору.
Ігар Кірчук сыграў у Берасці монаспектакль «Дарожка мая». Фота: прадастаўлена КЦ «Грунтоўня»
Монаспектакль «Дарожка мая», які адбыўся ў культурным цэнтры «Грунтоўня», — гэта сінтэз духоўнай і матэрыяльнай, абрадавай і магічнай, музычнай і песеннай спадчыны беларускай культуры, назапашанай за 30 гадоў творчай дзейнасці аўтара. На сцэне гучаць каля 40 беларускіх народных песень, запісаных падчас фальклорна-этнаграфічных экпедыцый 1983 — 2003 гг., выбраных з фоналабараторыі Рэспубліканскага радыё, з архіваў НАН РБ.
«Творчасць Івана Кірчука цяжка апісаць словамі — яго трэба чуць. Гэта сапраўдная магія словаў і гукаў. Атмасфера і энергетыка ягоных канцэртаў проста неверагодныя, — расказаў «БГ» дырэктар культурнага цэнтра «Грунтоўня» Віктар Клімус. — Нашаму пакаленню цяжка расшыфраваць сэнс фальклорных песень, асабліва абрадавых, рытуальных. Але калі пачынаеш унікаць у сімволіку, разумееш кантэкст выканання тых ці іншых кампазіцый (а яны выконваліся строга ў свой час), тады можна адкрыць цэлы космас, міфалагічны светапарадак нашых продкаў».
Іван Кірчук умее не толькі з музычных пазіцый выканаць падобныя песні, але і правільна іх падаць, растлумачыць, адзначыў Віктар Клімус. «Форма монаспектакля з храналагічным, календарным сюжэтам тут вельмі пасуе», — дадаў ён.
Выступ цягнуўся амаль паўтары гадзіны, і яшчэ амаль паўгадзіны Іван Кірчук адказваў на пытанні слухачоў і даваў аўтографы.
Фота прадастаўлены КЦ «Грунтоўня»
Из-за чего у «Пинскдрева» возникли проблемы с природоохранной службой и почему жители Пинска говорят, что…
В дни школьных каникул развлекательный центр установил цены выходного дня для всех посетителей. Мама трехлетки…
Власти отчитались о завершении масштабной реконструкции транспортного узла на Ковельском шоссе за 5 млн рублей.
Беларуска вернулась из командировки с минусом 583 рубля на счету МТС. Женщина утверждает, что не…
Одни беларусы называют это долгожданной помощью, другие напоминают: жилье остается съемным, а жилищная проблема никуда…
В Бресте прошел повторный аукцион на право застройки участка на улице Сябровской. Торги выиграл столичный…