У рэгіёне зафіксавалі некалькі выпадкаў незаконнага вывазу адходаў. Парушальнікам пагражаюць штрафы.
Беларус незаконна вывозіць адходы ў Касцюковічах. Фота: «Голас Касцюкоўшчыны»
У Касцюковічах працягваюць фіксаваць выпадкі забруджвання навакольнага асяроддзя. Цяпер гэта робяць з дапамогай фотапастак. Толькі за апошні месяц фотапасткі «падлавілі» чатырох парушальнікаў: двое вывезлі смецце ў аграгарадку Муравілле, яшчэ двое — у межах самога горада.
Чытайце таксама: Чаму дазволілі паляваць на жывёлаў з Чырвонай кнігі? Экспертка патлумачыла
Адходы складаліся з пустазельнай расліннасці і рэшткаў будаўнічых матэрыялаў, у тым ліку газасілікатных блокаў. Аб гэтым паведамляе рэгіянальнае медыя «Голас Касцюкоўшчыны».
Згодна з заканадаўствам, фізічным асобам за падобныя дзеянні пагражае штраф да 30 базавых велічынь (БВ), індывідуальным прадпрымальнікам — да 100 БВ, а юрыдычным асобам — ажно да 1000 БВ. Акрамя таго, вінаватыя абавязаныя пакрыць шкоду, нанесеную навакольнаму асяроддзю.
Начальнік раённай інспекцыі прыродных рэсурсаў і аховы навакольнага асяроддзя Аляксандр Талкачоў адзначыў, што сітуацыя паступова паляпшаецца — людзі сталі часцей карыстацца паслугамі камунгасу і практыкаваць раздзельны збор смецця. Але тыя, хто працягвае парушаць правілы, не застануцца без пакарання.
«Смецце можна законна вывезці на палігон каля вёскі Пралетарскае — усяго 13 рублёў 72 капейкі за куб. Хто не хоча сам, можа замовіць вываз тэхнікай — 48 рублёў за гадзіну. Але ствараць звалкі каля кантэйнераў — гэта ўжо парушэнне, якое караецца штрафам ад 4 да 30 базавых велічынь», — распавяла Святлана Раманенка, начальніца ўчастка добраўпарадкавання УКВП «Касцюковіцкі жылкамунгас».
Чыноўнік таксама дадаў, што тыя, хто не хоча вывозіць раслінныя адходы, могуць іх кампаставаць або спальваць на сваім участку.
«Хто хоча — знойдзе спосаб зрабіць усё законна. Было б жаданне», — падсумавала яна.
Чытайце таксама: «Лишние коты»: как жительницу деревни в Беларуси оштрафовали за животных
Минчанка пожаловалась в Threads на массовую вырубку ив возле водоема на улицах Одоевского и Полоцкой.…
За першыя тры месяцы 2026 года арганізацыі Дубровенскага раёна сумарна спрацавалі са стратай, хоць год…
Паэтэса, этнограф і адважная партызанка. Расказваем, чаму дзяўчына з Берасцейшчыны стала важнай часткай гісторыі польскай…
Пинчане интересуются, дают ли ежегодные испытания сетей реальный эффект или просто повторяют старую схему без…
Скандал вакол публікацый «Гомельскай праўды» пра зааабаронцаў не сціхае. Крытыка ў адрас дзяржаўнага выдання з'явілася…
После того как сотрудник магазина объяснил, как пользоваться кассой, мужчина, по словам брестчанки, начал возмущаться…