У Магілёве да 9 траўня правядуць 81-гадзінны марафон з канцэртамі і начнымі паказамі фільмаў

У Магілёве вырашылі адзначыць 9 траўня трохсутачным марафонам. З раніцы 6 траўня і да вечара 9 траўня каля абласной філармоніі будзе ісці акцыя «81 гадзіна да Вялікай Перамогі».

Чытайце таксама: Подарок к 1 мая или ремонт «по тревоге»? В Бобруйске открыли обновленный путепровод

У Магілёве сёлета вырашылі зрабіць стаўку на працяглы фармат святкаванняў. Як звяртае ўвагу «Магілёў.медыя», акцыя «81 гадзіна да Вялікай Перамогі» стартуе 6 траўня а 10-й раніцы і завершыцца толькі 9 траўня ў 19:00.

Мерапрыемства будзе праходзіць на адкрытай пляцоўцы каля абласной філармоніі на вуліцы Першамайскай. Лічба 81, імаверна, павінна сімвалізаваць 81-ю гадавіну перамогі.

Згодна з праграмай, удзень там запланаваныя канцэрты, выступы і іншыя «патрыятычныя» мерапрыемствы. Але найбольш незвычайна выглядае начная частка: з 22:00 і да раніцы арганізатары прапануюць паказы ваенных фільмаў проста пад адкрытым небам.

Што незвычайнага ў фармаце?

Як адзначана ў праграме, на кінапраглядах пераважаюць расійскія стужкі, у тым ліку і зусім новыя — некаторыя датаваныя 2025 годам. Сярод беларускіх карцін — фільм прапагандыста Рыгора Азаронка «Душа Абаронцы», якая раней выклікала негатыўную рэакцыю ў беларусаў.

Наколькі шмат жадаючых знойдзецца праводзіць ноч на вуліцы за такім праглядам — пытанне адкрытае. Асабліва з улікам таго, што надвор’е ў гэтыя дні можа быць далёка не самым камфортным, з вялікай верагоднасцю дажджоў і ветру.

Сам фармат выглядае даволі незвычайна нават для традыцыйных травеньскіх святкаванняў. Калі звычайна ўсё абмяжоўваецца канцэртамі, мітынгамі і святочнай праграмай у цэнтры горада, то цяпер гаворка ідзе пра фактычна бесперапынны трохсутачны марафон.

Можа скласціся ўражанне, што арганізатары зрабілі стаўку найперш на маштаб і сімвалізм. Чым больш гадзін, тым больш гучна выглядае сама ідэя. Пры гэтым галоўнае пытанне застаецца ранейшым: ці сапраўды гэта разлік на шырокую цікавасць жыхароў, ці перадусім паказальная акцыя дзеля фармату і справаздачнасці.

У сетцы кожны ваш клік пакідае след, які могуць выкарыстаць супраць вас. Не дазваляйце нікому ператвараць вашыя інтарэсы ў крымінальныя справы. Уключайце BGlobal VPN — заставайцеся нябачнымі для старонніх вачэй.

Спасылка на падключэнне BGlobal VPN — тут

Чытайце таксама: Власти Дзержинска вновь отчитались о подготовке к «Дажынкам» — горожане спрашивают, где им отмечать 9 Мая