У Лодзі заўважылі краму з беларускімі прадуктамі — ад квасу да сыркоў. Журналістка BGmedia разабралася, адкуль яны трапілі ў Польшчу і колькі каштуюць.
Беларускія сыркі і квас у польскай краме. Фота: BGmedia
У польскім горадзе Лодзь пакупнікі звярнулі ўвагу на незвычайны асартымент — на паліцах у краме з’явілася шмат прадуктаў беларускіх вытворцаў. Сярод іх — квас, салодкія напоі, тварожныя сыркі і кансервы, якія звычайна цяжка знайсці ў краінах Еўрасаюза.
Чытайце таксама: Как превратить онлайн-шопинг в поддержку BGmedia — просто, без донатов, но с реальным эффектом
Журналістка BGmedia наведала краму, каб высветліць, адкуль узяліся гэтыя тавары, як яны аформленыя і па якім кошце прадаюцца.
Навіна пра беларускія прадукты ў Польшчы выклікала неадназначную рэакцыю ў саміх беларусаў. Частка карыстальнікаў у сацсетках паставілася да яе скептычна, сцвярджаючы, што інфармацыя выглядае як фэйк. Асноўны аргумент — нібыта цэннікі пад таварамі «на расейскай мове», што выклікала падазрэнні ў сапраўднасці паходжання прадуктаў.
Іншыя ж, наадварот, узрадаваліся: людзі ў каментарах адзначылі, што беларускія прадукты «даўно цэняцца за якасць і попыт на іх ёсць нават сярод палякаў і іншых еўрапейскіх пакупнікоў».
Як высветліла журналістка BGmedia, сцвярджэнні пра «расейскія цэннікі» не пацвердзіліся. У краме, дзе яны прадаюцца, цэтлікі пад таварамі ў асноўным аформленыя па-польску. Пры гэтым частка інфармацыі дублюецца на ўкраінскай мове, бо крама арыентаваная ў першую чаргу на ўкраінскіх пакупнікоў.
Напрыклад, беларускія сыркі і марская капуста ад «Санта Брэмар» падпісаныя па-польску, а «Лідскі квас» разам з іншымі напоямі маюць цэннікі на ўкраінскай мове.
Асноўную частку асартыменту крамы складаюць украінскія прадукты — ад кансерваў да дэсертаў. Аднак сярод іх можна знайсці і тавары з іншых краін, у тым ліку беларускія і грузінскія.
Беларускія прадукты і кошт на іх:
Інфармацыя на ўпакоўках паказвае, што прадукты трапляюць у Польшчу праз розныя ланцужкі дыстрыбуцыі.
Тавары ад «Санта Брэмар» маюць маркіроўку цалкам на нямецкай мове, што сведчыць пра пастаўкі праз Германію. Назва нямецкага дыстрыбутара — РET-FISCH GmbH Am Lunedeich. Ён спецыялізуецца на рыбных прадуктах.
Сыркі «Савушкін» захавалі арыгінальную ўпакоўку, але абклееныя налепкамі на нямецкай мове, што таксама ўказвае на магчымы ўвоз праз Германію і папярэдні рээкспарт з іншых краін (напрыклад, Казахстана ці Грузіі). Кампанія належыць да Leis — Siberia group, заснавальнікі якой паходзяць з Расіі.
«Лідскі квас» і напоі Darida маюць налепкі на польскай мове. У якасці дыстрыбутара пазначаная кампанія Favo Retail Group з Кракава (адрас: al. Kijowska 7).
Паводле адкрытых крыніц, Favo Retail Group належыць украінскім уласнікам, была заснаваная ў 2022 годзе і мае акцыянерскі капітал у памеры 150 тысяч злотых.
Чытайце таксама: «Можа, вам пара на пенсію?»: беларуска абвінавачвае кіраўніцтва крамы «Родны кут» у закрыцці адзінай крамы
Расіянка назвала вуліцу Савецкую ў Брэсце «маскоўскім Арбатам». У адказ беларусы заклікалі жанчыну не пазбаўляць…
Жыхары Узы просяць прыбраць непрыемны пах ад ачышчальных гарадскіх збудаванняў. У адказ спецыялісты прызнаюць праблему,…
У мікрараёне Касцюкоўка жыхары паведамляюць пра мёртвых галак, якіх знаходзяць у дварах. Людзі заклікаюць спецыялістаў…
Районные службы Осиповичей призвали жителей не подкармливать бездомных животных. Число обращений после нападений собак растет,…
У Асіповічах правялі акцыі «грамадска карыснай працы» для беспрацоўных і былых выхаванцаў ЛПП. Усе заробленыя…
Интернет-портал Kraj.by показал необычную подсветку пешеходного перехода в Молодечно. Вместо восхищения новинка вызвала вопросы, критику…