Аршанка патрабуе ад Расіі выплаты за забітага на вайне бацьку, які не плаціў аліменты

Аршанка распавяла ў сацсетках, што яе бацька загінуў на вайне ва Украіне, і яна хоча атрымаць кампенсацыю. Падобны выпадак ужо здараўся у Лунінцы.

Чытайце таксама: В Украине погиб молодой брестчанин, который воевал за Россию. В 2020-м его наградили грамотой за геройство в Малорите

30-гадовая жыхарка Оршы Маргарыта заявіла ў сацыяльных сетках, што яе бацька — Яўген Калеснік — загінуў на вайне Расіі супраць Украіны, і яна мае намер дамагацца так званых «пахавальных» выплат. На гэта звярнуў увагу Telegram-канал Orsha.eu.

Паводле слоў жанчыны, яна не падтрымлівала з бацькам ніякіх адносін. Ён з’ехаў у Расію, не плаціў аліменты і не ўдзельнічаў у яе выхаванні. Маргарыта падкрэслівае, што не ўспрымае яго смерць як асабістую трагедыю і разглядае магчымыя выплаты як адзіны спосаб атрымаць хаця б нейкую кампенсацыю.

Па інфармацыі Belpol, Яўген Калеснік сапраўды неаднаразова прыцягваўся ў Беларусі да адказнасці за нявыплату аліментаў. Пры гэтым адзначаецца, што калі ў загінулага была сям’я ў Расіі, за права на выплаты можа ўзнікнуць спрэчка.

Таксама вядома, што сама Маргарыта ў 2020 годзе прыцягвалася да адказнасці па артыкуле 23.34, а каля двух з паловай гадоў таму страціла мужа ў дарожна-транспартным здарэнні.

Раней падобная сітуацыя ўжо ўзнікала ў Лунінцы. Там мясцовай жыхарцы таксама не выплацілі кампенсацыю за сына, які загінуў на вайне ва Украіне і ваяваў на расейскім баку. Жанчына публічна распавядала пра сваю гісторыю і цяжкасці з атрыманнем выплат.

Чытайце таксама: Расейка паступіла ў мінскі каледж, бо ў яе краіне ўсе бюджэтныя месцы занялі дзеці «СВОшнікаў»