Бабруйчанка паказала ў TikTok, як у траве ў двары дома можна гуляць у хованкі. Здагадайцеся, што было далей

Жанчына выйшла з малалетняй дачкой пагуляць у двары на дзіцячай пляцоўцы, але трава на ёй аказалася такой высокай, што дзіця літаральна хавалася ў ёй з галавой. «На такой пляцоўцы толькі ў хованкі гуляць», — пажартавала аўтарка роліка.

Чытайце таксама: «Не обращение, а крик души». В Бобруйске чиновница призвала жаловаться не в TikTok, а в горисполком — жители ответили

У каментарах многіх такое становішча рэчаў абурыла

@user75716815279780♬ Curious Little Creatures — BlueWhaleMusic

За першыя суткі з моманту публікацыі відэа набрала больш за 20 тысяч праглядаў і 100 каментароў. Пачалося жывое абмеркаванне. Многіх такое становішча рэчаў абурыла:

• «А калі б на ўчастку ўласніка была такая трава, даўным-даўно ўжо далі б штраф».
• «На нашы ЖЭУ законы не распаўсюджваюцца».

Іншыя пісалі жарты:

• «Там кляшчы ў хованкі гуляюць…»
• «Для закаханых парачак — самае тое».

Хтосьці параіў тэлефанаваць у 115, іншыя паскардзіліся, што ў іх дварах пасля вялікай колькасці дажджоў падобная карціна: «У нас тое самае, пляцоўка ўся зарослая, дзеці, калі бегаюць, не ведаеш, дзе потым шукаць. Скардзіліся куды толькі можна — і вынік нулявы!»

У сетцы кожны ваш клік пакідае след, які могуць выкарыстоўваць супраць вас. Не дазваляйце ператвараць вашыя інтарэсы ў крымінальныя справы. Уключайце BGlobal VPN — будзьце нябачныя для старонніх вачэй.

Спасылка на падключэнне BGlobal VPN – тут

Знайшліся і тыя, хто ўвогуле абвінаваціў у тым, што адбываецца, дзяцей, маўляў, «сядзяць дома ў тэлефонах і не вытоптваюць траву».

На наступны дзень пасля з’яўлення роліка ў TikTok пытанне вырашылася. Аўтарка відэа ў каментарах прымацавала фота дзіцячай пляцоўкі, якую, як аказалася, ужо абкасілі. «Аператыўна», — падсумавала бабруйчанка.

Чытайце таксама: «Там працаваць няма каму». Жыхарка Гомеля паскардзілася на зарослы двор і адсутнасць касілак у камунальнікаў 

Як у Бабруйску уладкаваны працэс пакосу травы знутры і як камунальныя службы плануюць сваю працу

Тэлеканал «Бабруйск 360» практычна кожны дзень расказвае пра тое, як у горадзе косяць траву. Мяркуючы па яго навінах, у Бабруйску хапае праблем. Напрыклад, 10 чэрвеня паведамілі наступнае:

«Дажджлівы пачатак лета даў пра сябе ведаць у выглядзе вялікай колькасці расліннасці. На відэа двор на Камсамольскай, 167. Там трава за некалькі тыдняў вымахала ого-го якая. Пра што тут жа паведамілі жыхары дома. Старшыня Бабруйскага гарвыканкама тут жа даў даручэнне камунальнікам дайсці да кожнага двара. Сёння двор на вуліцы Камсамольскай радуе вока свежаскошанай травой. Чысціня і парадак застаюцца пад асабістым кантролем Максіма Гурына».

9 чэрвеня галоўны інжынер КУП «ЖРЭУ Ленінскага раёна г. Бабруйска» Арцём Джуманіязаў расказаў тэлеканалу, як уладкаваны працэс пакосу травы знутры і як камунальныя службы плануюць сваю працу:

«У нас пакос дваровых тэрыторый адбываецца згодна з графікам. Графік фарміруецца на падставе зваротаў грамадзян і юрыдычных асоб. Ёсць дыспетчарская служба 115, дзе таксама адсочваюцца адрасы, і мы стараемся не чакаць скаргаў, зваротаў, а спрабуем ліквідаваць хутчэй, каб гэта ўсё было ў больш належным стане. Праводзіцца таксама штодзённы абход майстрамі ЖЭУ, дзе глядзяць вышыню травы: калі больш за 15 сантыметраў, таксама запісваем у графік, потым праводзіцца пакос».

Мяркуючы па відэа жыхаркі Бабруйска, камунальнікі рэагуюць на відэа ў TikTok. І ў гэтым выпадку траву ў праблемным месцы скосяць хутчэй, чым пасля звароту ў службу 115.

Чытайце таксама: «Пятиэтажки утопают». «Заря» подтвердила комментарии про нескошенную траву в Кобрине и неожиданно поддержала жителей