Беларуска выклала відэа ў TikTok, у якім паскардзілася на ежу ў вядомым санаторыі. У ім калісьці абяцалі правесці мадэрнізацыю і палепшыць харчаванне.
Санаторый «Энергетык». Фота: san-energetik.com
Беларуска Святлана наведала санаторый «Энергетык» са сваім дзіцём і засталася незадаволеная сервісам. На яе меркаванне, само месца зусім не адпавядае «першай катэгорыі», і не мусіць быць такім дарагім.
Чытайце таксама: Вяртанне ў СССР: беларуска паказала, як выглядаюць нумары ў санаторыі пад Брэстам
«Энергетык» месціцца у Ваўкавысскім раёне Гродзенскай вобласці. Ён лічыцца адным з вядучых санаторыяў краіны.
Сярод асноўных прэтэнзій да месца беларуска вылучыла стаўленне да наведвальнікаў, а таксама якасць ежы. Апошняй жанчына прысвяціла цэлы ролік, у якім паказала, чым у санаторыі кормяць беларусаў. Відэа атрымала шмат праглядаў і падабаек (1813 на 22.01.2025) за некалькі дзён.
Многія падтрымалі жанчыну ў каментарах, хаця сярод карыстальнікаў сустрэліся і тыя, хто не пагадзіўся з яе прэтэнзіямі. Пазней ролік па невядомых прычынах быў выдалены.
У сваім роліку Святлана паказала, як выглядаюць розныя стравы, што даюць наведвальнікам. На першым кадры — салат, які беларуска назвала «блявотным»: «На відэа ён выглядае прыстойна, а ў жыцці нашмат горш», — адзначае аўтарка відэа.
Жанчына таксама заўважыла валасы ў двух стравах: у грэчцы з катлетай і таматам, а таксама ў кашы з мясам (другое і трэцяе фота ў калажы BGmedia).
Па словах Святланы, салаты у санаторыі часта падаюць з сапсаванай гародніны, якая мае цьмяны колер і непрыемны пах. «А многія прыязджаюць сюды за шалёныя грошы», — сцвярджае яна.
BGmedia вывучыла кошты паслуг у санаторыі на афіцыйным сайце. Паводле апублікаванай інфармацыі, пуцёўка з комплексам медыцынскіх паслуг у аднамесным нумары каштуе ад 156 да 171 бел. рубля за дзень. Бронь у доме сямейнага тыпа абыходзіцца даражэй — ад 175 да 216 бел. рублёў за дзень. У кошт пуцёўкі ўваходзяць медыцынскія працэдуры, харчаванне і культурна-забаўляльныя мерапрыемствы.
Калі параўноўваць з коштамі іншых санаторыяў, «Энергетык» па паслугах даражэйшы за «Брэстаграздраўніцу», дзе кошты за дзень вар’ююцца ад 97 да 150 бел. руб. за суткі.
Беларусы не ўпершыню скардзіліся на якасць ежы ў «Энергетыку» і выкладалі адпаведныя відэа ў TikTok. Пасля рэзанансу ў кастрычніку мінулага года newgrodno.by узялі каментар у Анатоля Ганчара, начальніка Рэспубліканскага цэнтра па аздараўленні і санаторна-курортным лячэнні насельніцтва, каб даведацца пра якасць харчавання ў санаторыі, а таксама пра стаўленне да крытыкі пацыентаў.
Анатоль паведаміў, што ўстанова праходзіць капітальную мадэрнізацыю: рэканструюецца харчблок, абнаўляюцца інжынерныя сеткі, тэхналагічнае абсталяванне і мэбля. Пасля заканчэння работ у санаторыі адкрыюцца новыя абедзенные залы, будзе ўведзена сезоннае меню і пашыраны асартымент страў, у тым ліку вегетарыянскіх і дыетычных.
Адзначаецца, што цяперашняе харчаванне арганізавана на базе былой школы ў пасёлку Рось, а крытыку ў сацсетках пра паданую ежу ў санаторыі ўспрымаюць як асабісты досвед наведвальнікаў і лічаць, што меркаванні могуць быць рознымі.
Чытайце таксама: «Не пусцілі ў санаторый ў прызначаны час». Разабраліся, хто вінаваты
Вместо «лежачих полицейских» брестчане предлагают комплексные решения — светофоры, пересмотр организации переходов и улучшение дорожного…
Попасть на территорию новой платной парковки можно двумя путями: с улицы Советской и с улицы…
В Бресте в районе Речица готовится к открытию новый магазин сети «Санта». Его руководство уже…
В Сморгони разгорелся скандал после того, как в отделении Беларусбанка у пожилой женщины не приняли…
В Пинском районе дом-призрак у въезда в Купятичи не признают бесхозным. Владельцем оказался житель России.
Беларуска, якая працуе паварыхай, паказала ў TikTok, чым кормяць у мінскай бальніцы. Большасць страваў яна…