«Каток за 95 капеек»: Беларусы скардзяцца на слізкую падлогу ў грамадскім транспарце

Жыхарка сталіцы падзялілася ролікам, у якім паказала, як выглядае падлога ў грамадскім транспарце падчас моцных маразоў. Гэта не першая скарга на бяспеку транспарта за апошні час. Як вынікае з самога відэа, падлогавае пакрыццё стала вельмі слізкім, што стварае нязручнасці і рызыку траўмаў для пасажыраў. Жыхары іншых гарадоў пацвярджаюць такую ж праблему і ў сябе. А карыстальнікі TikTok задаюцца пытаннем, куды знікла абаграванне ў аўтобусах, калі яно вельмі патрэбнае.

Чытайце таксама: Беларуске не понравилось ехать в мороз на поезде из Бреста в Полоцк. Нашлись маршруты еще хуже — со снегом в тамбуре

Не першая скарга на небяспечны транспарт

BGmedia ужо звяртала ўвагу на скаргі беларусаў на грамадскі транспарт краіны. Так, жыхары Мазыра заўважылі дзіры ў «аўтобусах-гармоніках», праз якія прылятае снег і дождж, і трапляе проста на пасажыраў.

Пад скаргі патрапілі і электрычкі. У цягніку з маршрутам Мінск-Асіповічы, а таксама Мінск-Барысаў, было холадна, а ў тамбурах ляжаў снег. Падобную праблему пабачылі і ў цягніках, што накіроўваліся з Брэста ў Баранавічы, а таксама з Мінска ў Маладзечна. Беларусы таксама паскардзіліся на тое, што ступені ля выхаду з транспарта былі вельмі слізкімі і нават небяспечнымі для пасажыраў.

Праблема з аўтобусамі ў Мінску

На гэты раз праблему з бяспекай падлогавага пакрыця заўважылі і ў аўтобусах Мінска. У роліку, што выклала беларуска, бачна, як пасажырам даводзіцца трымацца за поручні, каб не паслізнуцца і не ўпасці. Асабліва цяжка ў гэтай сітуацыі людзям сталога ўзросту: ім даводзіцца прасіць дапамогі ў іншых, каб заплаціць за праязны і бяспечна выйсці з транспарта.

@zhizelle_ #автобус #гололед #скользко #транспорт #беларусь @Zhizelle ♬ Funny — FASSounds

Што пішуць у каментарах

У камментарах пад ролікам мінчанкі многія беларусы пацвердзілі існуючую праблему. Жыхары розных гарадоў пішуць, што падобную сітуацыю пабачылі ў грамадским транспарце Гомеля, Магілёва.

• «Вельмі слізка і ў аўтобусе і тралейбусе Гомеля».
• «У Гомелі тое самае. Заходзіш у транспарт і баішся расцягнуцца. І справа зусім не ў абутку, проста слізка».
• «У Магілёве таксама слізка ў аўтобусах».

На меркаванне беларусаў, слізкая падлога — недапушчальная з’ява ў транспарце. Карыстальнікі не стрымліваюць эмоцый, а таксама выказваюць думкі, што гэтую праблему трэба неадкладна вырашаць. Хтосьці нават заўважыў, што нават летам у аўтобусах часам працуе абаграванне, у той час, як узімку, калі яно вельмі патрэбнае, тое можа адсутнічаць.

• «Трэба прымаць нейкія меры. Гэта грамадскі транспарт і ў ім павінна быць бяспечна. Я ўчора ў тралейбусе на выхадзе расцягнулася ў шпагат».
• «Падтрымліваю аўтара роліка! Нейкі каток за 95 капеек!».
• «Гэта ж твор мастацтва, доктарская дысертацыя, некалькі заводаў, дзясяткі інжынераў з вышэйшай адукацыяй. Дзярж камісія, якая зацвердзіла, а тамака вышэйшыя людзі краіны!!! І яны не маглі памыліцца! Напэўна».
• «А яшчэ ўлетку ў аўтобусах працуе абаграванне, а ўзімку дубарына чамусьці».

Каментар, які атрымаў найбольшую колькасць лайкаў — зварот да Мінскага аўтамабільнага завода:

«ХТО «МАЗ»! Я звяртаюся да ўсіх: праекціроўшчыкаў, а таксама тых, хто падпісаў кантролі ў шыльдзе пад чарцяжамі. Вы ездзілі на сваім «творы» улетку, калі ў салоне 36, а на вуліцы 28; зімой, калі ў салоне -15, а на вуліцы -10? А падлога салона з ухілам? Гэта не дакаталіся ў дзяцінстве з горкі на лыжах і вырашылі аплаціць мару? Галоўны архітэктар МАЗа! Вы праекты ўвогуле бачыце? Ці даяце дабро не гледзячы?», — піша адзін з карыстальнікаў у TikTok.

Пакуль МАЗ не даваў афіцыйных каментароў наконт скаргаў беларусаў.

Чытайце таксама: «Чтобы все пошли работать в автобусные парки». В Бресте начали взвешивать маршрутки, а беларусы спорят, зачем