«Белая Вежа»: як адна з пастаноўшчыц фестываля звязана з «расейскім светам»

На гэтым тыдни ў Берасці стартаваў міжнародны тэатральны фестываль «Белая Вежа». Мы ўжо адзначалі, што сёлета, у адрозненне ад папярэдніх гадоў, удзел у ім прымае значна менш калектываў з краін ЕС, а колькасць удзельнікаў з Расеі і іншых краін з Усходу павялічылася.

Таксама чытаць: Победобесие на сцене и скудная география участников: изучили афишу театрального фестиваля «Белая Вежа-2025»

Адзін са спонсараў фестывалю — АНА «Русские сезоны», якая з 2017 года прасоўвае расейскую культуру ўнутры краіны і за яе межамі. У 2025 годзе праект удзельнічаў у арганізацыі IX Міжнароднага фестывалю оперы і балета «Херсанес», што адбыўся ў акупаваным Крыме, у Севастопалі.

У Берасці «Русские сезоны» разам з Міністэрствам культуры РФ падтрымалі пастаноўку А. Пушкіна «Бырашня-крестьянка», што вынікае з афішы Брэсцкага акадэмічнага тэатра драмы. Гэта сведчыць пра пэўны расейскі ўплыў на культурнае жыццё Берасця.

Сярод кіраўнікоў тэатральных калектываў журналістка BGmedia заўважыла асобу, звязаную з ідэалогіяй «рускага свету». Калектыў з Арлоўскага дзяржаўнага акадэмічнага тэатра імя І. С. Тургенева прадставіць на фестывалі камедыю «На всякого мудреца довольно простоты», якая будзе паказвацца 11 верасня. Пастаноўшчыца спектаклю – Таццяна Дрёмава, ураджэнка Санкт-Пецярбурга, якая раней наведвала акупаваныя тэрыторыі Украіны ў ролі фатографа для расейскіх медыя.

На акупаваных тэрыторыях жанчына ажанілася з Паўлам Дрёмавым, вядомым ваенна-палітычным дзеячам самаабвешчанай Луганскай Народнай Рэспублікі, адным з камандзіраў узброенага фарміравання «Казачая нацыянальная гвардыя Усевялікага войска Данскога» і камандзірам 6-га асобнага мотастралковага казацкага палка імя М. І. Платава Народнай Міліцыі «ЛНР».

Пасля забойства мужа Таццяна пэўны час пражыла на акупаванай Расеяй тэрыторыі, дзе атрымала працу кіраўніцы Луганскага расейскага драматычнага тэатра. У 2018 годзе жанчыну узнагародзілі медаллю «За заслуги II степени ЛНР». Акрамя гэтага, у гэты час яна пісала тэксты ў мясцовую прапагандысцкую газету «Казачий Вестник».

Таксама чытаць: На сайце БМЗ з’явіліся фатаздымкі пратэстаў 2020 года

У ранейшым інтэрв’ю расейскаму выданню spb.mk.ru, Дрёмава казала, што ніколі не цікавілася палітыкай. Але пры гэтым падтрымлівала мужа з яго антыўкраінскай пазіцыяй:

«Паша был не за ЛНР, он был против Украины. С большим усилием, за которое я стала его еще больше уважать, он согласился на вступление его полка в народную милицию ЛНР в начале января 2015 года».

У далейшым жыцці жанчына працягнула працу тэатральнай пастаноўшчыцы ў розных гарадах Расеі. Яе імя лічыцца ў спісе членаў Асацыяцыі дзеячаў рускіх тэатраў замежжа.