Чыноўнікі адрэагавалі на відэа жанчыны пра кіраўніцтва крамы «Родны кут»

Беларуска Таццяна абвінаваціла кіраўніцтва крамы «Родны кут» у абыякавасці да супрацоўнікаў і жыхароў сельскай мясцовасці. Паводле яе слоў, вынікам такой палітыкі стала закрыццё адзінай сеткавай крамы, што працавала на некалькі вёсак карэліцкага раёна. Гісторыяй жанчына падзялілася ў сваім TikTok акаўнце. Неўзабаве на яе адрэагавалі мясцовыя чыноўнікі.

Чытайце таксама: «Можа, вам пара на пенсію?»: беларуска абвінавачвае кіраўніцтва крамы «Родны кут» у закрыцці адзінай крамы

Чаму беларуска паскардзілася на кіраўніцтва сеткавай крамы

Як вынікае з першага відэа, якое апублікавала жанчына, адзіная крама «Родны кут», што працавала на сем вёсак (Малыя Жухавічы, Новае сяло, Пагарэлка, Вялікая Арбіна, Малая Арбіна, Даўгінава, Сіняўская слабада), закрылася праз звальненне маладой правадачкі. Па словах самой Таццяны, дзяўчына «важыла ў лепшым выпадку 45 кг», а таксама выконвала адразу некалькі функцый — прадавачкі, грузчыцы і качагара.

Таццяна раскрытыкавала кіраўніцтва крамы ў спажывецкім стаўленні да супрацоўнікаў. На яе думку, уся праблема — не ў адсутнасці пакупнікоў, а ў падыходзе кіраўніцтва сеткі да эканоміі на людзях: паводле жанчыны, кіраўніцтва «Роднага кута» адкрыла толькі адно прыцоўнае месца і за невялікія грошы.

@tata61558♬ оригинальный звук — Tata🍀

Што адбылося пасля публікацыі роліка

Беларуска распавяла ў TikTok, што пасля публікацыі яе відэа ў вёсцы прайшоў сход з удзелам мясцовых чыноўнікаў і прадстаўнікоў сістэмы спажывецкай кааперацыі. На сустрэчу прыйшлі старшыня сельсавета, прадстаўнік Карэліцкага райвыканкама з аддзела эканомікі, супрацоўнікі РАЙПО, у тым ліку кіраўніца Белкаапсаюзу і прадстаўніца аддзела гандлю. Сход сабралі для таго, каб абмеркаваць праблему з закрыццём крамы і яе вырашэнне.

Аднак, як сцвярджае аўтарка відэа, асноўныя пытанні ў яе ўзніклі да адной з кіраўніц, імя якой яна не згадвае, але называе «царыцай». Паводле жанчыны, тая ад самага пачатку размаўляла з прысутнымі з пагардай. Яна падкрэсліла, што ў актавай зале сядзелі «чыстыя, культурныя людзі», якія не заслугоўваюць знявагі. «Сядзелі простыя жанчыны — даяркі, прыбіральшчыцы, работніцы клубаў, пошты, і ніякіх падстаў размаўляць з імі з пагардай не было», — адзначыла яна.

@tata61558Я бы успокоилась, но не после такого общения с людьми!!!♬ оригинальный звук — Tata🍀

Падчас сходу жанчына ўздымала пытанні пра пратэрмінаваныя прадукты, нагрузку на прадаўцоў і ўмовы працы ў краме, у тым ліку пра касавыя тэрміналы, якія, паводле яе слоў, «глючаць». Аднак выразных адказаў яна так і не пачула. «У мяне было адчуванне, што я знаходжуся ў нейкай прастрацыі і чую толькі сама сябе», — прызналася аўтарка відэа.

Асобна абмяркоўвалася тэма аўтакрамаў, якія кіраўніцтва назвало адным з варыянтаў вырашэння праблемы. З такім падыходам жанчына не пагадзілася. Яна адзначыла, што аўтакрамы не могуць замяніць стацыянарную краму, бо асартымент у іх скарачаецца ад пункта да пункта. «Людзі хочуць узяць ежу з запасам, бо не ведаюць, калі аўтакрама прыедзе ў наступны раз», — сказала яна.

@tata61558♬ оригинальный звук — Tata🍀

Акрамя таго, жанчына паставіла пад сумнеў даступнасць такога фармату для сельскіх працаўнікоў. «Як да гэтай аўталаўкі дабрацца звычайнай даярцы? Кінуць кароваў і пабегчы?»,— задалася яна пытаннем. Паводле яе слоў, замест вырашэння праблем у крамах «Родны кут» адказнасць фактычна пераклалі на аўтакрамы, што не ўлічвае рэальныя ўмовы жыцця і працы людзей у вёсках.

Чытайце таксама: У Жлобіне зачыняюцца адразу тры буйныя харчовыя крамы: не ўсе жыхары вераць абяцанням уладаў