Categories: Новости

Цяпер у Мінску можна разлічыцца карткай у аўтобусах. А як з гэтым у іншых гарадах?

У Мінску запусцілі аплату праезду банкаўскай карткай. Распавядаем, калі падобныя змены з’явяцца ў іншых гарадах і як гэта працуе ў суседніх краінах.

Share

У канцы верасня ў наземным грамадскім транспарце Мінска зрабілі магчымасць аплаты праезда банкаўскай карткай. Да аплаты прымаюць ўсе карткі Беларусбанка, а таксама плацёжнай сістэмы Белкарт усіх банкаў-рэзідэнтаў Беларусі.

Раней магчымасць аплачваць паездку картай была толькі ў мінскім метро. У астатнім грамадскім транспарце — аўтобусах, трампваях і тралейбусах — квіток можна было набыць праз праграму «Аплаці» альбо купіць у кіроўцы за наяўныя ці карткай.

Чытайце таксама: «Плати за то, что платишь»: сервис «Оплати» в Беларуси вводит ежемесячную комиссию за билеты

Пакуль магчымасць аплаты карткай у Мінску — тэставая. Але як абяцаюць, ужо ў наступным годзе ва ўсім наземным гарадскім пасажырскім транспарце можна будзе аплаціць праезд любой банкаўскай карткай.

Па словах дырэктара дзяржпрадпрыемства «Сталічны траснпарт і сувязь» Юрыя Супрановіча, гэты праект плануецца укараніць ва ўсёй рэспубліцы. А наступным крокам у праекце будзе аплата праезда з дапамогай сістэмы NFC.

Як з гэтым у іншых гарадах?

Яшчэ ў 2024 годзе магчымасць аплаты карткай з’явілася і ў Магілёве. Паводле афіцыйных дадзеных, каля 16% пасажыраў скарысталіся гэтай функцыяй пасля яе ўкаранення, што сведчыць пра яе зручнасць для многіх людзей. З 7 лютага 2025 года ўвесь тралейбусны парк горада абсталявалі лічбавымі валідатарамі.

Падобны «эксперымент» запускалі і ў іншых гарадх Беларусі. Напрыклад, у Баранавічах. У канцы жніўня гэтага года жыхары і госці горада атрымалі магчымасць аплачваць праезд карткай у аўтобусах.

Што думаюць пра гэта беларусы?

@alexfursevich Технологии приехали #беларусь #траллик ♬ original sound — Bigmalky38 𒉭

Беларускія карыстальнікі ў TikTok узрадаваліся навіне, аднак адзначылі, што хоць лічбавыя валідатары і з’явіліся ў многіх месцах, але пакуль працуюць не паўсюль.

  • «Заходжу ў аўтобус у Жодзіна. Кандуктар выходзіць. Кіроўца не прадае, валідатар не працуе і едзем зайцам. Талонаў у нас няма».
  • «Так, я з Гродна. Валідатары вісяць ужо як месяц, але не працуюць».
  • «У Брэсце яшчэ дзіркаколы вісяць».

Як з гэтым у іншых краінах?

Некаторыя каментатары адзначылі, што лічбавы прагрэс вельмі павольна даходзіць да Беларусі. Па слядах меркаванняў мы сабралі прыклады таго, як аплата ў наземным транспарце працуе ў Польшчы і Літве.

У Польшчы і Літве сістэмы бескантактныя спосабы аплаты праезду пачалі ўкараняцца з 2018 года і цяпер шырока выкарыстоўваюцца ў грамадскім транспарце.

У буйных польскіх гарадах, такіх як Варшава, аплата карткай у аўтобусах і трамваях робіць паездкі больш камфортнымі, бо не патрабуе папярэдняй куплі квітка. Для дадатковай зручнасці дзейнічаюць мабільныя праграмы (Jakdojade, SkyCash, moBILET), дзе можна купіць білеты анлайн і актываваць іх праз QR-код.

Аднак у некаторых польскіх гарадах, такіх як Лодзь, аплата карткай непасрэдна пры ўваходзе не працуе, і там неабходна выкарыстоўваць мясцовую картку «Karta Łodzianina» або купляць білеты загадзя (праз картку ці наяўныя), ці ў самім аўтобусе, з дапамогай мабільнай праграмы «Jakdojadę».

У Літве аплата праз NFC-тэхналогію картак або смартфонаў, ці электронных гадзіннікаў, дзейнічае амаль паўсюдна, што дазваляе пасажырам аплачваць праезд непасрэдна на валідатары без выкарыстання мабільных дадаткаў.

З 1 верасня 2024 года ў Вільні з’явілася магчымасць аплачваць праезд у грамадскім транспарце толькі з дапамогай кантактных банкаўскіх картак (без папярэдняга набыцця квіткоў, ці без выкарыстання мабільных праграмаў). Папяровыя квіткі на аўтобусах збіраюцца адмяніць да 2027 года. А са жніўня 2025 года магчымасць бескантактнай аплаты ўвялі ў Каўнасе.

Чытайце таксама: «Оплати» отыграл назад: подписки на билеты в транспорте не будет

Recent Posts

Замежныя паляўнічыя прынеслі беларускім лясгасам больш за мільён долараў

За першыя дзесяць месяцаў 2026 года беларускія лясгасы атрымалі больш за мільён долараў ад паляўнічага…

19.11.2026

«Этим только дай — все спилят!» В Бресте рубят деревья в парке 1 Мая, а власти молчат

На видео из Парка культуры и отдыха попали и гнилые, и внешне здоровые стволы. Горожане…

19.11.2026

«Семь часов за одной справкой»: начальник ЖРЭУ Бреста прокомментировал скандал вокруг ЖЭС-11

Многочасовые очереди, недовольство жителей и жалобы на работу сантехников. Начальник ЖРЭУ Бреста Игорь Годун высказался…

19.11.2026

«Пока не было ваших умных датчиков, не было пробок». ГАИ снова объяснила брестчанам работу «умных» светофоров

Гаишник провел брифинг на новом перекрестке Жукова и Ковельской, а госСМИ нашли довольного водителя. Жители…

19.11.2026

Ляхавіцкі кансервавы завод не плануе дадаваць беларускую мову на ўпакоўкі і ў 2027 годзе

Ляхавіцкі кансервавы завод паведаміў моўнаму актывісту Ігару Случаку, што не плануе выкарыстоўваць беларускую мову на…

19.11.2026

У Пінску студэнтам і школьнікам паказалі стрым з жаночай калоніі для рэцыдывістак

Для студэнтаў чатырох навучальных устаноў Пінска арганізавалі Zoom-сустрэчу з жанчынамі, якія адбываюць пакаранне ў калоніі…

19.11.2026