Categories: Новости

Ляхавіцкі кансервавы завод не плануе дадаваць беларускую мову на ўпакоўкі і ў 2027 годзе

Ляхавіцкі кансервавы завод паведаміў моўнаму актывісту Ігару Случаку, што не плануе выкарыстоўваць беларускую мову на ўпакоўках прадукцыі і ў 2027 годзе.

Share

Моўны актывіст і праваабаронца Ігар Случак падзяліўся адказам Ляхавіцкага кансервавага завода на свой зварот. У лісце за подпісам галоўнага інжынера А. А. Ясінскага гаворыцца, што цяпер беларуская мова не выкарыстоўваецца на этыкетках і ўпакоўках прадукцыі прадпрыемства. У 2027 годзе завод таксама не плануе яе дадаваць.

Чытайце таксама: У Ляхавічах пакаралі міліцэйскага начальніка за адказ па-руску на беларускамоўны зварот

У адказе Случаку патлумачылі, што ён мае права абскардзіць прынятае рашэнне ў вышэйстаячай арганізацыі. У якасці такой арганізацыі назвалі кіруючую кампанію холдынгу «Канцэрн Брэсцмясамалпрам», у склад якога ўваходзіць прадпрыемства.

Адказ на зварот Случака. Фота з Threads

Гэта не першы падобны выпадак

Ігар Случак ужо неаднаразова звяртаў увагу на адсутнасць беларускай мовы ў адказах дзяржаўных устаноў і на ўпакоўках прадукцыі. Некаторыя з гэтых гісторый раней асвятляла BGmedia.

Так, у жніўні 2026 года мы пісалі, што ў Бялынічах пракуратура пацвердзіла парушэнне пасля скаргі Случака на мясцовы філіял «Магілёўаблаўтатранса». Актывіст атрымаў адказ на беларускамоўны зварот на іншай мове, да таго ж у ім не патлумачылі парадак абскарджання. Пасля праверкі дырэктару філіяла вынеслі прадпісанне, а Случаку даслалі выпраўлены адказ па-беларуску.

Яшчэ адзін выпадак адбыўся ў Ляхавіцкім раёне. Міліцыя адказала па-руску на беларускамоўны зварот Случака. Пасля яго скаргі парушэнне пацвердзілі, а да начальніка аддзела аховы правапарадку і прафілактыкі, які дапусціў яго, ужылі меры матэрыяльнага ўздзеяння. Сума і канкрэтны характар пакарання ў адказе не ўдакладняліся.

Раней Случак таксама дамагаўся зменаў у выкарыстанні беларускай мовы на ўпакоўках прадуктаў. Напрыклад, пасля пяцігадовай кампаніі «Стоп Бульбаш», якую ён праводзіў разам з праваабаронцай Алінай Нагорнай, Слуцкі хлебазавод зняў з вытворчасці хлеб з такой назвай. На ўпакоўках новай прадукцыі прадпрыемства пачала з’яўляцца беларуская мова.

Чытайце таксама: Беларуская мова ў дзіцячых садках Брэста: колькі дзяцей выхоўваюцца па-беларуску?

Recent Posts

«Пока не было ваших умных датчиков, не было пробок». ГАИ снова объяснила брестчанам работу «умных» светофоров

Гаишник провел брифинг на новом перекрестке Жукова и Ковельской, а госСМИ нашли довольного водителя. Жители…

19.11.2026

У Пінску студэнтам і школьнікам паказалі стрым з жаночай калоніі для рэцыдывістак

Для студэнтаў чатырох навучальных устаноў Пінска арганізавалі Zoom-сустрэчу з жанчынамі, якія адбываюць пакаранне ў калоніі…

19.11.2026

В Лиде поднялся шум из-за деревьев, которые хотели убрать ради стройки. Что пообещали власти?

Жительница Лиды забила тревогу из-за судьбы деревьев возле стройки. Горожане потребовали сохранить зеленое украшение города. 

19.11.2026

«Які на халеру беларускі стыль і какошнік?» Беларусы обсуждают оформление кофейни в Кобрине

Владельцы нового заведения в Кобрине назвали девушку в кокошнике образом современной беларуски. В соцсетях им…

19.11.2026

В Бресте убрали инсталляцию с площади Ленина. Куда переехали городские достопримечательности?

В Бресте начали менять праздничное оформление. Инсталляцию с городскими достопримечательностями убрали с площади Ленина и…

19.11.2026

Парень, прыгавший по крыше машины в Барановичах как в GTA, рассказал, что перед этим съел

В милицейском телеграм-канале также рассказали о краже кроссовок, но прямо не уточнили, задержанный мужчина ли…

19.11.2026