Улады прапануюць пашырыць самы маленькі раён Беларусі за кошт тэрыторый суседніх раёнаў. За апошнія дзесяцігоддзі колькасць жыхароў там рэзка скарацілася.
Дрыбінскі раён. Ілюстрацыйнае фота. Крыніца: "Планета Беларусь"
Размовы пра магчымую змену межаў Дрыбінскага раёна выходзяць на практычны ўзровень. Чыноўнікі ўжо падрыхтавалі свае прапановы і накіравалі іх на разгляд. Мяркуецца, што тэрыторыя раёна можа павялічыцца за кошт часткі Шклоўскага і Горацкага раёнаў.
Чытайце таксама: Як «уваскрэслая» вёска зноў памірае: у Лёзненскім раёне плануюць «ліквідаваць» Бель
Ідэя змянення межаў прагучала яшчэ некалькі месяцаў таму пасля заявы Аляксандра Лукашэнкі. Тады гаворка ішла пра неабходнасць перагляду адміністрацыйнага ўладкавання раёна. Цяпер, судзячы па інфармацыі дзяржаўных СМІ, працэс атрымаў працяг.
Дрыбінскі раён лічыцца самым маладым у краіне. У сучасным выглядзе ён быў створаны ў 1989 годзе. Пасля аварыі на Чарнобыльскай АЭС сюды перасялялі жыхароў з пацярпелых тэрыторый, а сам Дрыбін і навакольныя вёскі пачалі расці. У выніку было вырашана стварыць асобную адміністрацыйна-тэрытарыяльную адзінку.
Пры гэтым раён адразу атрымаўся невялікім па плошчы і колькасці насельніцтва. А з цягам часу дэмаграфічныя праблемы сталі яшчэ больш прыкметнымі.
Сёння адзін клік ці падабайка могуць каштаваць занадта дорага. Гісторыя вашага браўзэра не павінна быць падставай для пераследу. BGlobal VPN. цалкам шыфруе ваш трафік. Заставайцеся ў бяспецы.
Спасылка на падключэнне BGlobal VPN – тут
Паводле адкрытых статыстычных дадзеных, у 1996 годзе ў Дрыбінскім раёне пражывала каля 16,8 тысячы чалавек. Да 2001 года колькасць жыхароў знізілася да 15,5 тысячы, а ў 2010-м — да 12,1 тысячы. У 2019 годзе ў раёне заставалася ўжо менш за 9,4 тысячы чалавек.
У выніку за апошнія тры дзесяцігоддзі колькасць насельніцтва зменшылася амаль у два разы. Сам гарадскі пасёлак Дрыбін сёння застаецца самым маланаселеным райцэнтрам Беларусі. Паводле дадзеных на пачатак 2025 года, у ім пражывае менш за тры тысячы чалавек.
На дадзены момант улады падрыхтавалі адпаведныя прапановы: плануецца пашырыць яго межы за кошт часткі тэрыторый Шклоўскага і Горацкага раёнаў.
Паводле інфармацыі БелТА, пасля далучэння новых зямель плошча Дрыбінскага раёна павялічыцца прыкладна на 10 тысяч гектараў, што зробіць яго большым за сярэдні раён Магілёўскай вобласці.
Разам з тэрыторыямі ў склад раёна павінны ўвайсці і сельскагаспадарчыя прадпрыемствы. Калі цяпер у раёне дзейнічаюць шэсць такіх гаспадарак, то пасля меркаванага ўзбуйнення іх колькасць можа вырасці амаль удвая.
Чытайце таксама: Яшчэ адна вёска знікла з мапы Беларусі. Што вядома пра Саладоўню на Кругляншчыне
Жительница Бреста удивилась необычной вакансии с обещанием «оплачиваемых прогулок». Оказалось, за красивым описанием скрывается обычная…
Жители Брестской области показывают огромные песчаные берега, а экологи объясняют ситуацию дефицитом осадков и считают…
Брестчанин назвал новый мурал «Любiмы Брэст» нейрослопом и объяснил свою позицию. Узнали, что, по его…
Пасля закрыцця музея ў Парэччы экспанаты перавезлі ў Музей Беларускага Палесся. Цяпер уся экспазіцыя займае…
В Бресте двое 17-летних подростков вышли на боксерский спарринг из-за пары кроссовок. История вызвала бурную…
Могилевчане удивляются, что для обычного ямочного ремонта человеку пришлось обращаться не в ЖЭУ или 115,…