У студзені ў Гомелі адбылося 512 адключэнняў вады за даўгі. Асабліва сітуацыя б’е па «незанятых у эканоміцы», што маюць поўныя тарыфы.
Гомельводаканал, ілюстрацыйнае фота
У Гомелі і Гомельскай вобласці штодня праводзяцца адключэнні і абмежаванні водазабеспячэння для спажыўцоў з запазычанасцю. Пра гэта паведамляе дзяржаўнае прадпрыемства «Гомельводоканал».
Чытайце таксама: Гамельчане самі расчышчалі лёд каля сваіх дамоў без камунальнікаў
Паводле афіцыйных звестак, толькі ў студзені 2026 года ў рэгіёне адбылося 512 адключэнняў і абмежаванняў паслуг водазабеспячэння і водаадвядзення. Лічба сведчыць пра тое, што праблема запазычанасці за камунальныя паслугі застаецца вострай для некаторых гараджанаў.
Асобная сітуацыя — з так званымі незанятымі ў эканоміцы. З кастрычніка 2025 года людзі, якіх уключылі ў лік беспрацоўных, пачалі атрымліваць павышаныя рахункі за камунальныя паслугі. Калі раней поўны тарыф налічваўся толькі на долю ўласнасці «дармаеда», а астатнія зарэгістраваныя ў кватэры плацілі па субсідаваных стаўках, цяпер павышаны тарыф прымяняецца да ўсіх кватэр уласніка — незалежна ад таго, хто там фактычна пражывае.
Нават калі жыллё здаецца ў арэнду або пустуе, налічэнні для «дармаедаў» застаюцца аднолькавымі, заўважыла «Штодзень».
У 2026 годзе тарыф на водазабеспячэнне для гэтай катэгорыі склаў 2,6172 рубля за 1 м³, на водаадвядзенне — 2,3121 рубля за 1 м³. Калі сярэдняя сям’я з чатырох чалавек выкарыстоўвае каля 18–20 кубаметраў вады ў месяц, толькі за ваду і каналізацыю выходзіць прыкладна 90–100 рублёў. І гэта без уліку цеплазабеспячэння, электраэнергіі, вывазу смецця і іншых абавязковых плацяжоў.
У сацыяльных сетках жыхары розных гарадоў дзеляцца фота рахункаў: 200–350 рублёў за стандартную кватэру становіцца звыклай сумай. Сустракаюцца і значна большыя налічэнні — да 1624 рублёў за аднапакаёвую кватэру.
Для многіх гэта 15–20% сярэдняй зарплаты. А для тых, хто жыве на падпрацоўкі, атрымлівае пенсію ці пераводы з-за мяжы, фінансавая нагрузка яшчэ вышэйшая. Адзначаецца, што рост сум звязаны не толькі з павышэннем тарыфаў, але і з назапашанымі неперададзенымі паказаннямі лічыльнікаў, што можа павялічыць канчатковы рахунак у некалькі разоў.
Чытайце таксама: Тарыфы на ЖКГ вырастуць, а праблемы застаюцца: на што скардзяцца беларусы
Фармальна, калі перавесці беларускія рахункі ў валюту, яны могуць выглядаць ніжэйшымі, чым, напрыклад, у Варшаве або Берліне. Аднак у Польшчы камунальныя плацяжы складаюць каля 17,6% сярэдняй чыстай зарплаты, пры тым што самі даходы ў разы вышэйшыя.
У Беларусі 300–400 рублёў — гэта таксама каля 15–20% сярэдняга заробку. Але «незанятыя ў эканоміцы» часта маюць даход ніжэйшы за сярэдні: гэта часова беспрацоўныя, самазанятыя, сезонныя работнікі, мігранты, якія плацяць падаткі за мяжой.
Улады тлумачаць змены «прывядзеннем да еўрапейскіх стандартаў»: тыя, хто не ўдзельнічае ў фармаванні бюджэту праз падаткі, павінны аплачваць эканамічна абгрунтаваныя тарыфы без дзяржаўных субсідый.
На практыцы рост рахункаў і масавыя адключэнні вады паказваюць, што для часткі жыхароў рэгіёна камунальныя плацяжы становяцца сур’ёзным фінансавым выпрабаваннем.
Чытайце таксама: «Я ў поўнай дупе»: самазанятай налічылі за «камуналку» па кошце для «дармаедаў»
Житель Бреста приехал на дачу в Брестский район и снял TikTok о «магазине на колесах».…
В Барановичах сдали в эксплуатацию новостройку без благоустройства дворовой территории. Жительница пожаловалась, но в комментариях…
Беларусов отправили на углубленный досмотр в пункте пропуска «Брест». Таможенники нашли в их автомобилях автозапчасти.
У Мар’інай горцы заўважылі кіпы непрыбранага снегу са льдом. Яны моцна абурылі мясцовага жыхара —…
На праспекце Кастрычніка гамельчане расчышчалі лёд каля дамоў. Беларусы ў сацсетках ацанілі ўчынак жыльцоў дамоў,…
В этом году работники «Барановичиремстроя» планируют благоустроить 17 дворовых территорий. Местные жители составили свой список…