На праспекце Кастрычніка гамельчане расчышчалі лёд каля дамоў. Беларусы ў сацсетках ацанілі ўчынак жыльцоў дамоў, і раскрытыкавалі працу камунальнікаў.
Жыхары Гомеля самі расчысцілі дарогі ад льду. Скрыншот з відэа ў TikTok
У першыя дні вясны на розных вуліцах Гомеля застаўся непрыбраны лёд. Паводле словаў жыхароў, камунальныя службы не справіліся з уборкай, нягледзячы на дасланыя звароты ў адпаведныя інстанцыі.
Чытайце таксама: Скользкий Гомель: тротуары в центре города превратились в каток — люди жалуются на работу коммунальных служб
Дарогі, пакрытыя лёдам, становяцца слізкімі і небяспечнымі для пешаходаў, што моцна непакоіць гамельчанаў. Паводле інфармацыі Міністэрства аховы здароўя, Гомельская вобласць разам з Магілёўскай увайшлі ў топ па колькасці траўмаў на лёдзе.
Не ўсе гамельчане вырашылі чакаць дапамогі ад камунальнікаў. Нядаўна ў TikTok з’явілася відэа, на якім жыхары праспекта Кастрычніка самастойна расчышчалі лёд каля сваіх дамоў. Некаторыя выкарыстоўвалі звычайныя рыдлёўкі, хтосьці — дрыль, каб разбіць лёд.
@user312971591548
Пад ролікам карыстальнікі TikTok актыўна каментавалі падзею. Многія выказалі падзяку жыхарам за іх ініцыятыву:
Агулам многія карыстальнікі адзначылі, што ў гэтым годзе камунальнікі «дрэнна справіліся са сваімі абавязкамі», а ў горадзе засталося шмат неапрацаваных месцаў, што магло паспрыяць вялікай колькасці траўмаў, якую адзначылі ў Мінздароўя.
Як паведамляе Мінздароўя, з 26 лістапада 2025 года па 16 лютага 2026 года ў Беларусі пацярпелі ад галалёдных і халадовых траўмаў 16 353 чалавекі. Большасць пацярпелых — у Гомельскай вобласці: 3 264 чалавекі.
Большасць траўмаў звязана з падзеннямі. З пачатку зімовага сезону больш за 15 тыс. чалавек звярнуліся па дапамогу да медыкаў, у тым ліку 700 чалавек толькі за мінулыя выходныя.
Па колькасці пацярпелых пасля Гомельскай вобласці размясцілася Магілёўская (3 199 чалавек), замыкае тройку Міншчына (2 364 пацыента). Далей ідуць Брэсцкая вобласць (2 251 чалавек), Мінск (2 045), Віцебская (1 892) і Гродзенская (1 337).
Чытайце таксама: Гамельчанка зламала руку каля ўваходу ў «Еўраопт» і збіраецца падаваць скаргу ў суд. Што адбылося?
В Барановичском горисполкоме заявили, что хедлайнеры порадуют концертными программами представителей всех возрастов.
Видео Брестского «педа» в TikTok набрало почти 900 тыс. просмотров. В кадре — «харизматичный препод».…
Стабильность — это иллюзия. Профессор финансов Александр Мертенс объясняет, как вера в вечный рост ослепляет…
Беларуска с официальным доходом более 1700 рублей не смогла получить заем для покупки дивана беларуского…
У сувязі з нястачай кадраў у дзейных аптэках многім фармацэўтычным спецыялістам даводзіцца працаваць на ўмовах…
Асабліва сумна выглядае пясочніца. Дошкі валяюцца проста пасярэдзіне. Мяркуючы па відэа, з іх тырчаць цвікі.