Categories: Новости

Куды зніклі клумбы ў Белаазёрску? Адказ ЖКГ не зняў пытанняў

Жыхары Белаазёрску паскардзіліся на тое, што вазы з кветкамі, што ўпрыгожвалі горад, раптоўна зніклі. Ім далі адказ камунальшчыкі.

Share

Вазы з дэкаратыўнымі дрэвамі і кветкамі, якія ўпрыгожвалі вуліцы Белаазёрска, нечакана зніклі. Мясцовыя жыхары занепакоіліся: куды падзеліся вялікія вазы з хрызантэмамі, верасам і геранню, што яшчэ нядаўна стаялі ўздоўж цэнтральных вуліц, каля аўтобусных прыпынкаў і гарадскога парку. Некаторыя нават заўважылі, як работнікі ЖКГ выкопваюць кветкі, што толькі ўзмацніла падазрэнні.

Чытайце таксама: «Лес — нашае багацце?»: былога гендырэктара лесгаса будуць судзіць за хабары

Пасля скаргаў гараджан у «Бярозаўскім ЖКГ» патлумачылі, што нічога дзіўнага не адбылося. Паводле іх слоў, усе дэкаратыўныя вазы і расліны былі закуплены для добраўпарадкавання Белаазёрска і Бярозы, але перад святам абласных «Дажынак-2025», якія сёлета прымаў Белаазёрск, усе кампазіцыі сабралі ў гэтым горадзе, каб стварыць святочнае аздабленне.

Вазы з кветкамі ў Бярозе. Фота: bereza.by

Пасля заканчэння свята частку ваз з кветкамі вярнулі ў Бярозу, а іншыя кампазіцыі — пакінулі ў Белаазёрску. Што да выкапвання кветак, у ЖКГ гэта патлумачылі планавымі восеньскімі працамі па азеляненню тэрыторый. Маўляў, аднагадовыя расліны, як хрызантэмы і герань, восенню здымаюць, каб сабраць расаду і нарыхтаваць насенне для новага сезону.

Аднак такое тлумачэнне не адказвае на галоўнае пытанне — чаму клумбы і вазы не вярнуліся на свае месцы. Жыхары адзначаюць, што пасля свята горад выглядае значна бяднейшым: пустыя месцы, дзе раней былі кветкі, і зніклыя дэкаратыўныя вазы пакідаюць уражанне занядбанасці. І хоць у ЖКГ сцвярджаюць, што гэта «часовая мера», пытанняў пасля іх адказаў стала яшчэ больш.

Як жыхары горада адрэагавалі на навіну?

Многіх жыхароў Белаазёрску рассмяшыў такі адказ ад камунальшчыкаў, што вынікае з рэакцый пад публікацыяй навіны ў мясцовым медыя.

Скрыншот з Telegram-канала BEREZA.BY

У іншых рэгіянальных каналах людзі таксама пакінулі свае каментары на гэты конт.

  • «Я не здзіўлюся, калі і ліставыя з хвойными дрэвамі з плошчы таксама пачнуць дзяліць паміж двума гарадамі — і лаўкі з урнамі павывозяць. Раён жа адзін, а гарады — два».
    • «Думаю, можна і ліхтары ўсе ад праспекта ў бок Глінскага ў Бярозу аддаць — яны ж усё роўна рэдка ўключаюцца».
    • «Нам не ўпершыню “даношваць” тое, што засталося пасля Бярозы. Падрамантуюць крыху — і да нас усё вязуць».
    • «Нарэшце людзі перасталі маўчаць. Можа, гэта неяк дапаможа. Прынамсі, вельмі на гэта спадзяюся. А то ў пабліках пра такое маўчаць, пішуць толькі добрае, а я лічу, што людзі павінны ведаць усё, што адбываецца».

Чытайце таксама: Пад Кіраўскам пасадзілі расійскія дубкі: «як сімвал жыцця і надзеі»

Recent Posts

КГБ объявил трех жителей Брестской области «террористами». За что их преследовали?

В список попали предприниматель из Березы, жительница Лунинца и мужчина, зарегистрированный в Брестской области.

16.11.2026

Обещал построить, а сам забрал деньги: в Беларуси задержали «мастера» с судимостью

В Лунинце 26-летний мужчина обещал людям строительную помощь, брал предоплату и исчезал. На его обещания…

16.11.2026

Сарафан за 15 рублей обернулся кредитом на 500: в Пинске покупательницу обманули через Instagram

Желание купить модную одежду со скидкой закончилось не обновкой, а чужим кредитом. Вместо сарафана за…

14.11.2026

«Сделали бы лучше нормальное освещение улиц». Власти Барановичей отчитались о благоустройстве и нарвались на критику

Чиновники строят бетонные островки безопасности и кладут асфальт, а горожане жалуются на обилие ненормативных «спящих…

14.11.2026

Открыли под фанфары, закрыли через три дня. В Браславе новый бассейн «Драйв» уже не работает

Новый ФОК в Браславе торжественно открыли к 7 ноября, но бассейн закрылся уже 11-го. Теперь…

13.11.2026

«Яма на яме, а асфальт перекошен». Житель Мозыря возмутился состоянием дорог в городе

Мозырянин сравнил дороги родного города с другими населенными пунктами Беларуси и пришел к неприятному выводу:…

13.11.2026