Курыца ад «Дзяржынкі» зноў патрапіла пад шквал крытыкі. Гэтым разам праз вялікую колькасць скуры

Беларуска Ганна распавяла ў сваім TikTok пра тое, што менавіта ёй не спадабалася ў курыцы ад вядомай фірмы «Дзяржынка». Меркаванні людзей раздзяліліся.

Чытайце таксама: У адной з беларускіх крамаў падманваюць пакупнікоў: жанчына паказала, як завышаюць суму за мяса

Раней BGmedia ўжо паведамляла, што прадукцыя ад «Дзяржынкі» трапляла пад шквал крытыкі. Мінулым разам прычынай стала сітуацыя, калі на ўпакоўцы цыплёнка-бройлера была пазначана большая цана, чым апынулася пры аплаце. У гэтым асабіста пераканалася адна з пакупніц у беларускай краме. Там жанчына спрабавала аспрэчыць кошт за курыцу, але ёй адмовілі.

Гэтым разам пытанне ўзнікла ў іншым. У TikTok з’явілася відэа, на якім бачна, што ў курыных бёдрах на костках ад «Дзяржынкі» вялікая колькасць скуры. «Да мякаці бядра тут дадаецца яшчэ такая вось матня», — заўважае аўтарка відэа. «Нават калі гэта неабходная частка, якая злучае два кумпякі, у мяне пытанне: чаму з васьмі кавалкаў курыцы няма ніводнага, дзе б не было гэтай хр*ні?», — задаецца пытаннем жанчына.

Далей на відэа Ганна акуратна зрэзала лішнюю скуру і паклала яе на кантрольныя вагі. Прыбор паказаў 100 грамаў. Пры гэтым жанчына адзначыла: «Ніхто ў нас у сям’і такое г**нішча з пер’ямі не любіць».

@anyaganyaНе ожидала что видео залетит Вынуждена пояснить для всех неравнодушных комментаторов. ⬇️⬇️⬇️ Под названием «бедро на кости» должна продаваться СООТВЕТСВУЮЩАЯ этому названию часть курицы. Не кожа со спины, не жопа, а именно часть бедра с кожей ТОЛЬКО с бедра. 100гр, это не много (для одной покупки). Можно пустить на фарш/ пожарить и т.д., при условии, что вы осознанно заплатили за эту кожу потому что именно ее и покупали. В моем случае, это оказалось неприятным бонусом. Накладывали в пакет из холодильника. Оплата на месте у прилавка. Проверять даже мысли не было. Теперь буду!♬ nhạc nền — Nhạc Thiếu Nhi

Што пра сітуацыю думаюць людзі

У каментарах пад відэа меркаванні людзей падзяліліся. З аднаго боку, сустрэліся каментатары, якія не знайшлі ў сітуацыі нічога дрэннага.

• «Як можна не любіць скуру курыцы? Можна добра прасмажыць, гэта ж так смачна».
• «Якія ўсе правільныя сталі! Гэта хр*нь вельмі смачная ў смажаным выглядзе. І гэта ніякі не брак!».
• «Вы ж не ўзялі мякаць бядра? Напэўна таму, што за яго давядзецца плаціць больш».

З іншага боку, жанчыну многія падтрымалі. Некаторыя адзначылі, што фірма «Дзяржынка», акрамя залішняй скуры у мясе, вядомая і іншымі праблемамі.

• «Я працую прадаўцом курынай апрацоўкі на птушынай фабрыцы, і пры выкладванні тавару заўсёды прыбіраю скуру з бёдраў і шынкі. Бо інакш непрыемна прадаваць».
• «Не разумею, чаму ўсе так з’еліся на аўтара відэа. Яна мае рацыю. Калі гэта кумпяк, то ён мусіць быць без кавалка скуры з пёркамі. А то ўсе такія радасныя, што плоцяць за адходы па кошце мяса. Піпл хавае, а вырабнік грошы бярэ!».
• «Мая прапанова наступная — аматарам скуры з курыцы прадаваць яе асобна».
• «Вам пашанцавала, што гэта не тухляціна. У «Дзяржынкі» такое часта бывае».

Чытайце таксама: Беларуска паказала, чым кормяць у бальніцы Брэста. Гэта выклікала спрэчкі ў людзей