Пра новы выпадак паведаміла «Віцебская Вясна». Пасля ўборкі ў храме ўдзельнікам прачыталі лекцыю пра тое, што праца дапамагае выправіцца.
Прымусовыя працы ў Віцебску каля царквы Раства Хрыстова. Фота: УУС Віцебскага аблвыканкама
У Віцебску людзей, якія стаяць на ўліку ў крымінальна-выканаўчай інспекцыі (КВІ), накіравалі бясплатна прыбіраць тэрыторыю царквы Раства Хрыстова.
Чытайце таксама: «Тунеядцев» массово отправили убирать снег в Гомельской области
На гэты выпадак звярнула ўвагу «Віцебская Вясна».
Пасля ўборкі ўдзельнікаў так званага працоўнага дэсанту запрасілі ў храм на лекцыю. Там ім расказалі, што «любая праца, зробленая з чыстым сэрцам, ёсць пачаткам выпраўлення».
Праваабаронцы адзначаюць, што райаддзелы міліцыі Віцебскай вобласці ўжо неаднаразова накіроўвалі людзей з уліку КВІ на бясплатныя работы. Звычайна гэта беспрацоўныя, якіх прыцягваюць да добраўпарадкавання пад выглядам прафілактычных мерапрыемстваў.
Раней такіх людзей адпраўлялі прыбіраць вуліцы і паркі, разбіраць закінутыя фермы ў Віцебскім раёне, а ў Мёрах — прыводзіць райцэнтр у парадак перад «Дажынкамі».
Падобныя выпадкі былі і ў іншых рэгіёнах Беларусі. Напрыклад, BGmedia раней паведамляла пра прыцягненне людзей з уліку міліцыі да бясплатнай уборкі вуліц у Брэсце і Іванаве. У Гомельскім раёне падчас так званых прафілактычных мерапрыемстваў людзей пасля лекцый таксама накіроўвалі на грамадска карысныя работы.
«Віцебская Вясна» звяртае ўвагу, што фармальна такія работы могуць падавацца як добраахвотныя, але фактычна адмова ад удзелу можа мець наступствы. Міліцыя адносіць іх да прафілактычных мерапрыемстваў.
Паводле тлумачэння праваабаронцаў, за ўхіленне ад такіх мерапрыемстваў чалавека могуць прыцягнуць да адказнасці паводле артыкула 24.3 КаАП — за непадпарадкаванне законнаму патрабаванню супрацоўніка міліцыі. Артыкул прадугледжвае штраф, грамадскія работы або адміністрацыйны арышт.
Ёсць у гэтай гісторыі і яшчэ адна дэталь. «Віцебская Вясна» неаднаразова пісала, што людзей адпраўлялі на прыборку без элементарных сродкаў аховы працы — пальчатак ці рукавіц. На гэты раз, паводле праваабаронцаў, удзельнікам выдалі нават новыя пальчаткі.
Пакуль незразумела, ці прыслухаліся да іх заўваг супрацоўнікі міліцыі, ці больш уважліва да ўмоў працы паставіліся ў самой царкве.
Чытайце таксама: У Касцюковічах «дармаедаў» прымусілі працаваць бясплатна пад дамамі сілавікоў
В обновленном аквапарке «Лазурный» в Гродно прислушались к жалобам посетителей: в душевых появились перегородки. Но…
Обещанные четыре полосы и полноценная разгрузка одного из главных въездов в центр Бреста откладываются как…
Жыхары вёскі Чэрвеньскага раёна прасілі вярнуць у вёску краму і праверыць працу аўталавак. У райвыканкаме…
47-летний мужчина на Nissan столкнулся со стоящим грузовиком на Красногвардейской. Брестчане спорят о темноте, очередях…
«Женщину-мать» из Быхова хотят продать через аукцион. Скульптор рассказал о желающих купить памятник. По его…
В Беларуси за десять месяцев построили на 6,7% меньше жилья, чем годом ранее. Брестская область…