Мінчанка з Купалы-7 зноў б’е трывогу: пасля «рамонту» ў пад’ездзе паставілі паўпабітыя і разваленыя шклаблокі

Пасля рэзанансу і абяцанняў — новыя праблемы

Жыхарка дома №7 на вуліцы Янкі Купалы ў Мінску, якая ўжо доўгі час адкрыта дамагаецца якаснага капітальнага рамонту, паведаміла пра новы абуральны эпізод у гісторыі свайго дома.

Пасля шматлікіх скаргаў, рэзанансу ў сацсетках, публікацый у TikTok і нават асабістага прыёму ў Савеце Рэспублікі яна разлічвала, што недахопы будуць сапраўды ліквідаваныя. Але замест гэтага, паводле яе слоў, чарговыя работы толькі пагоршылі сітуацыю.

Чытайце таксама: Пасля гісторыі з прафлістам мінчанка зноў скардзіцца на капрамонт у ЖК «Купалы-7»

Што не так з капрамонтам на Купалы, 7

Раней мінчанка неаднаразова крытыкавала капрамонт за шэраг праблемаў: плот з прафлісту, які закрыў агляд на парк Горкага, адсутнасць адкрытага доступу да праектнай дакументацыі, пытанні да безбар’ернага асяроддзя, а таксама недапрацоўкі ўнутры дома — ад стану сцен да пашкоджаных шклаблокаў у пад’ездзе.

Пасля грамадскага розгаласу і сустрэчы з Наталляй Качанавай жанчыне паабяцалі, што дом давядуць да належнага стану, а выпраўленне праблемаў возьмуць на кантроль. Аднак чарговая праверка паказала новыя недахопы.

Замест замены — пабітыя, разваленыя і брудныя шклаблокі

Асаблівае абурэнне выклікаў стан шклаблокаў у пад’ездзе. Як сцвярджае жыхарка, замест паўнавартаснай замены пашкоджанай канструкцыі рабочыя абмежаваліся частковымі дзеяннямі. Пры гэтым, паводле слоў работніка, поўная замена немагчымая з-за адсутнасці патрэбных матэрыялаў.

@nadia.podrez #срочно #самый_известный_балкон_минска #стеклоблоки #кочанова #жкх ♬ оригинальный звук — Мудожественный Хузей

У выніку пасля «абнаўлення» сітуацыя стала яшчэ горшай: частка шклаблокаў апынулася пабітай як звонку, так і знутры, некаторыя былі забруджаныя цэментам, асобныя элементы выглядалі расхістанымі або літаральна разваленымі. Некаторыя блокі, па словах жанчыны, увогуле ляжалі на падлозе, а пад канструкцыяй засталіся бачныя шчыліны без належнай апрацоўкі.

@365bel В минском подъезде не могут заменить треснувшие стеклоблоки: их производят в Чехии. Историей поделилась жительница дома на Купалы, 7, которая критикует выполнение капремонта не в соответствии с планом. На этот раз девушка встретила в подъезде рабочего, который занимался «ремонтом» стены из стеклоблоков. Однако мужчина пояснил, что ему указали заменить только лопнувшее стекло, а на замену всей стены и даже треснувших блоков материала нет. Минчанка показала одиноко стоящий стеклоблок с маркировкой «Сделано в Чешской Республике». Вероятно, это остатки материала из государства, которое беларуские власти признали «недружественным». Взамен ЖКХ предлагает оставить стенку в текущем состоянии, олицетворяющем беларускую промышленность. #минск #минсксити #минсксейчас #квартирыминск #новостиминска ♬ original sound — 365bel

Нават пасля шырокага грамадскага ціску і ўвагі высокіх чыноўнікаў вынік можа выклікаць яшчэ больш пытанняў. Замест поўнага выпраўлення праблем жыхары, як сцвярджае мінчанка, атрымалі новыя прыкметы неахайнасці і недаробак.

Сітуацыя вакол дома на Купалы, 7 працягвае заставацца паказальным прыкладам таго, як капітальны рамонт можа ператварыцца ў працяглую барацьбу жыхароў за элементарную якасць выкананых работ.

У сетцы кожны ваш клік пакідае след, які могуць выкарыстаць супраць вас. Не дазваляйце нікому ператвараць вашыя інтарэсы ў крымінальныя справы. Уключайце BGlobal VPN — заставайцеся нябачнымі для старонніх вачэй.

Спасылка на падключэнне BGlobal VPN — тут

Чытайце таксама: «Фарба не вытрымлівае ніякай крытыкі»: мінчанка паказала, як выглядае дом на Купалы-7 пасля капрамонту