Беларусы, якія купілі паштэт і фарш, заўважылі дзіўныя даты прыдатнасці — яны выглядаюць так, нібы «з іншай рэальнасці», што выклікала пытанні да вытворцаў.
Тэрмін прыдатнасці прадуктаў. Скрыншоты з відэа ў сацсетках
На некаторых айчынных прадуктах беларусы пабачылі незвычайныя тэрміны прыдатнасці. Яны моцна здзівілі пакупнікоў і выклікалі ў іх пытанні да саміх вытворцаў. Відэа з таварамі людзі апублікавалі ў сацсетках.
Чытайце таксама: «Срочно вызывать прокуратуру!»: брестчанка обнаружила просроченный детский йогурт в «Санте»
Адным з прадуктаў, які выклікаў пытанні, апынуўся беларускі паштэт ад «Галерэі смаку». Як вынікае з упакоўкі тавара, ягоны тэрмін прыдатнасці налічваў 45 сутак, а сам ён быў выраблены 5 лютага. Па словах жанчыны, што яго набыла, на момант куплі ён ужо меў прыкметы псавання, але чамусьці быў выстаўлены на продаж на прылаўку крамы.
Іншае пытанне ў беларускі выклікаў пячоначны паштэт іншага вытворцы — «Сервалюкс агра». Жанчына распавяла, што з яе зрокам было цяжка адшукаць тэрмін прыдатнасці: на самой упакоўцы яго нідзе не было. У выніку яна пабачыла яго на металічнай кліпсе ўпакоўкі, і ён быў пазначаны маленькімі лічбамі. Сам прадукт не быў сапсаваны.
Па словах аўтаркі роліка, вытворцам прадуктаў ці крамам неабходна вызначыцца з маркіроўкай тэрмінаў прыдатнасці, каб пакупнікі ведалі, што яны набываюць бяспечны для іх здароўя прадукт.
У беларусаў выклікаў пытанне і іншы прадукт, які прадаваўся у сеткавай краме «Еўраопт». 27 сакавіка ў краме знайшлі мясны фарш, на якім дата вырабу была пазначаная днём наперад. «Гэта не проста свежы, а суперсвежы прадукт!», — іранізуе аўтар роліка.
Нагадаем, што яшчэ ў студзені 2026 года МАРГ праверыў 188 крамаў па ўсёй краіне і выявіў там шматлікія парушэнні: ад пратэрмінаваных прадуктаў да завышэнняў кошту. У выніку крамам выпісалі 82 рэкамендацыі і 27 прадпісанняў аб забароне продажу тавараў. Да адміністрацыйнай адказнасці прыцягнулі 25 чалавек. Сума штрафаў перавысіла 3,5 тысячы рублёў.
Асобна выявілі парушэнні заканадаўства аб цэнах і цэнаўтварэнні ў васьмі суб’ектаў гаспадарання. Па гэтых справах штрафы склалі больш за 4,5 тысячы рублёў.
Чытайце таксама: Заапарк у супермаркеце? Што пабачылі пакупнікі ў «Еўраопце» ў Гродне
Государственная районка выдала старую жалобу местной жительницы за свежую новость, «забыв» указать первоисточник и прилепив…
После скандала с кричавшей на ученицу минской учительницей беларусы обсуждают запрет на съемку педагогов и…
Жыхары Віцебшчыны паскардзіліся на закінутыя дамы, небяспечную воданапорную вежу, будаўнічае смецце і інвазіўныя расліны. Звароты…
Рыбаки вручную спасают рыбу из луж, а ограждения для детского купания стоят на песке. Как…
Магілёўцы скардзяцца на лужыны і агароджу каля моста праз Дубравенку. Нягледзячы на праведзены рамонт, падчас…
У Слуцку пасля скаргаў на нескошаную траву пачалі працы на Бабруйскай. Афіцыйна сезон пакосу завяршыўся…