На вуліцы Базарнай у Слуцку зноў лужы. Жыхары скардзіліся на дарогу яшчэ два гады таму

Яшчэ ў 2024 годзе случчане накіроўвавалі зварот у гарадскія ўлады наконт стану дарогі на вуліцы Базарнай. Як вынікае са свежых фатаздымкаў жыхароў, апублікаваных у мясцовым Telegram-канале, пасля дажджоў на дарозе рэгулярна з’яўляюцца лужы, праз якія людзям складана як прайсці, так і праехаць.

Чытайце таксама: «Яма за ямай, адна суцэльная чача». Жыхары завулка ў Слуцку зноў просяць зрабіць дарогу

Усё гэта адбываецца праз адсутнасць асфальтавага пакрыцця, якога патрабуюць жыхары вуліцы.

Што адказалі чыноўнікі на скаргу жыхароў

Аднак з тых часоў сітуацыя не змянілася. Як вынікае з адказу райвыканкама на ранейшы зварот случчан, усталяванне асфальтавага пакрыцця на Базарнай не прадугледжана.

Таксама ў афіцыйным лісце адзначаецца, што на вуліцы ўжо праводзіліся рамонтныя працы ў 2024 годзе, у тым ліку рамонт праезнай часткі дарожнага палатна. Паводле словаў чыноўнікаў, фактаў невыканання рамонтных прац яны не атрымалі, а падставаў для прыняцця мераў у дачыненні да адказных асобаў не маюць.

Пры гэтым, як вынікае з новых апублікаваных фатаздымкаў, праблема дагэтуль застаецца актуальнай для жыхароў. Пасля дажджоў на дарозе зноў утвараюцца вялікія лужы, якія ўскладняюць рух пешаходаў і аўтамабіляў.

Нагадаем, што некалі случчане таксама скардзіліся на непрыбраны пясок пасля пакладзенага асфальту. Як заўважыла BGmedia, яго прыбралі праз суткі пасля скаргаў у сацсетках.

Чытайце таксама: Без вады праз чужую аварыю? У Слуцку жыхары заявілі, што другія суткі чакаюць рамонту прыватнага водаправода