Мінчанка пасля скаргаў Качанавай заўважыла новую праблему: цяпер яна крытыкуе ліўнёўку пасля капрамонту

Жыхарка дома №7 на вуліцы Янкі Купалы ў Мінску, якая ўжо доўгі час адкрыта дамагаецца якаснага капітальнага рамонту, паведаміла пра новую праблему. У свежым роліку ў TikTok яна заявіла, што пасля праведзеных работ ліўнёвая сістэма каля дома, на яе думку, зроблена з сур’ёзнымі пралікамі.

Чытайце таксама: Жыхарка Купалы-7 пасля прыёму ў Савеце Рэспублікі зноў выявіла новыя праблемы капрамонта

Паводле слоў мінчанкі, праектаванне выклікае шмат пытанняў. Яна звяртае ўвагу, што ў двары яе дома ёсць участкі з адмоўным ухілам, праз што вада, замест таго каб сыходзіць у ліўнёвыя рашоткі, можа застойвацца.

«Можа, я чагосьці не разумею? Можа, яны проста не ведаюць, як павінны выглядаць ліўнёўкі? На Пушкінскай у звычайным двары такіх праблем няма. Цікава, як яны гэтага дасягнулі?» — кажа аўтарка відэа.

@nadia_podrez Что-то про отвод воды. #минск #самый_известный_балкон_минска #дождь #жкх #капремонт ♬ оригинальный звук — nadia_podrez

Жанчына параўноўвае сітуацыю са звычайным дваром у раёне станцыі метро «Пушкінская», дзе, паводле яе назіранняў, ліўнёвая сістэма працуе без праблем. Там, адзначае яна, вада натуральна сцякае ў рашоткі, пешаходныя зоны не маюць высокіх бартоў, а пакрыццё зроблена з правільнымі ўхіламі.

У сваім відэа яна сцвярджае, што каля дома на Купалы ўсё зроблена наадварот.

«Вада ж павінна кудысьці сыходзіць. А ў нас зрабілі дрэнажную сістэму з адмоўным ухілам. Тут жа павінна хоць кудысьці сцякаць вада», — абураецца мінчанка.

На яе думку, праблема ўзнікла менавіта на этапе праектавання або выканання работ.

Сёння адзін клік ці падабайка могуць каштаваць занадта дорага. Гісторыя вашага браўзэра не павінна быць падставай для пераследу. BGlobal VPN. цалкам шыфруе ваш трафік. Заставайцеся ў бяспецы.

Спасылка на падключэнне BGlobal VPN – тут

Гісторыя канфлікту цягнецца ўжо даўно

Гэта далёка не першая прэтэнзія жыхаркі да капітальнага рамонту яе дома.

Пасля шматлікіх скаргаў, рэзанансу ў сацыяльных сетках, серыі ролікаў у TikTok і нават асабістага прыёму ў старшыні Савета Рэспублікі Наталлі Качанавай жанчына разлічвала, што ўсе недахопы будуць канчаткова выпраўленыя.

Раней яна неаднаразова крытыкавала рамонт за плот з прафлісту, які закрыў выгляд на парк Горкага, адсутнасць адкрытага доступу да праектнай дакументацыі, пытанні да безбар’ернага асяроддзя, а таксама шматлікія недапрацоўкі ўнутры дома — ад няякаснага аздаблення сцен да пашкоджаных шклаблокаў у пад’ездзе.

Пасля грамадскага розгаласу і сустрэчы з Качанавай жанчыне паабяцалі, што дом давядуць да належнага стану, а ўсе заўвагі будуць знаходзіцца на кантролі.

Аднак, як сцвярджала мінчанка пазней, чарговыя выпраўленні прывялі да новых праблем. Паводле яе слоў, частка шклаблокаў пасля рамонту аказалася пабітай як звонку, так і знутры, некаторыя былі забруджаныя цэментам, асобныя элементы выглядалі расхістанымі, а пад канструкцыяй засталіся неапрацаваныя шчыліны.

Цяпер да гэтага спісу яна дадала яшчэ і прэтэнзіі да новай ліўнёвай сістэмы.

«Замест выпраўлення праблем з’яўляюцца новыя»

На думку аўтаркі роліка, нават пасля шырокага грамадскага рэзанансу і ўвагі высокіх чыноўнікаў вынік капітальнага рамонту працягвае выклікаць пытанні.

Яна лічыць, што замест поўнага выпраўлення заўваг жыхары атрымліваюць новыя недахопы, якія зноў патрабуюць увагі і дадатковых работ.

Сітуацыя вакол дома №7 на вуліцы Янкі Купалы ўжо шмат месяцаў застаецца адной з самых гучных гісторый, звязаных з капітальным рамонтам у Мінску. Новы ролік паказвае, што канфлікт паміж жыхарамі дома і адказнымі службамі пакуль не завершаны.

Чытайце таксама: «Закрылі від на парк»: Мінчанка абурылася прафлістам каля элітнага дома ў цэнтры сталіцы