Дзіцячую пляцоўку ў Салігорску з небяспечнымі атракцыёнамі абяцалі адрамантаваць. Частку знойдзеных парушэнняў ужо ліквідавалі.
Дзіцячая пляцоўка ў Салігорску. Скрыншот з відэа ў TikTok
Пракуратура Мінскай вобласці адрэагавала на відэа ў TikTok, на якім паказалі ўмовы на дзіцячай пляцоўцы ў Салігорску.
Чытайце таксама: Згарэлы дом за шалёныя кошты: незвычайная прапанова ў Слуцкім раёне
BGmedia пісала пра тое, што жыхарка аднаго з двароў Салігорска звяртала ўвагу грамадскасці на стан дзіцячай пляцоўкі каля дома №10 па вул. Кастрычніцкай. Паводле яе слоў, пляцоўка ўжо даўно патрабавала рамонту, але ніякіх змен не адбылося, хоць яна сумленна плоціць за абслугоўванне дома.
На месцы пясочніцы замест пяску — голая зямля, на якой ужо паспелі вырасці трава і нават кусты. Атракцыёны і каруселі іржавыя, у некаторых месцах скрыпяць і выглядаюць так, нібыта не бачылі рамонту гадамі. Некаторыя канструкцыі, паводле аўтаркі відэа, проста небяспечныя для карыстання.
Праз месяц пасля публікацыі відэароліка, на пляцоўку звярнула ўвагу абласная пракуратура. Супрацоўнікі агледзелі пляцоўку і выявілі на ёй шматлікія парушэнні.
«Быў выяўлены шэраг парушэнняў, у сувязі з чым у райвыканкам унесена прадпісанне з патрабаваннем неадкладна забяспечыць бяспечныя ўмовы для дзяцей. Па выніках разгляду акта пракурорскага нагляду праведзены работы па ўборцы тэрыторыі, выдаленні аварыйных дрэў, абнаўленні ігравога абсталявання і пясочніцы. Частка запланаваных мерапрыемстваў будуць завершаны пры надыходзе больш спрыяльных умоў надвор’я», — сказалі ў ведамстве.
Як паказвае досвед многіх беларусаў, відэа ў TikTok часта робяцца эфектыўным інструментам па вырашэнню праблемаў у Беларусі. І гэты выпадак — не выключэнне.
@a.klimetss #рекомендации #жкх #солигорск #площадка ♬ оригинальный звук — 𝑨𝒏𝒂𝒔𝒕𝒂𝒔𝒊𝒂
Чытайце таксама: Дорога как на Луне и остановки без крыши: житель Пинска показал окраину города
Пока в Беларуси массово срезают старые качели, на Севере Европы создают «дикие» площадки. Разбираемся, почему…
В Фаниполе новостройка вызвала шок у эксперта: стены крошатся и осыпаются, а застройщик ссылается на…
Минчанка пожаловалась в Threads на массовую вырубку ив возле водоема на улицах Одоевского и Полоцкой.…
За першыя тры месяцы 2026 года арганізацыі Дубровенскага раёна сумарна спрацавалі са стратай, хоць год…
Паэтэса, этнограф і адважная партызанка. Расказваем, чаму дзяўчына з Берасцейшчыны стала важнай часткай гісторыі польскай…
Пинчане интересуются, дают ли ежегодные испытания сетей реальный эффект или просто повторяют старую схему без…