Беларусы абмеркавалі праблему са смеццем каля ЖК «Спадарожнік-2» у Магілёве

Каля ЖК «Спадарожнік-2» у Магілёве звярнулі ўвагу на праблему са смеццем. Жыхар горада апублікаваў відэа ў TikTok, у  якім звярнуўся да камунальных службаў і заклікаў іх вырашыць гэтую праблему.

Чытайце таксама: Беларус паказаў смецце і пустыр на ўскраіне Салігорска

Жылы комплекс «Спадарожнік-2» узвялі ў выкарыстанне ў 2024 гг. Гэта новы мікрараён горада, куды толькі нядаўна пачалі засяляцца жыхары.

У відэароліку, які апублікаваў магілёвец, відаць раскіданае смецце каля дзіцячай пляцоўкі. Вось, як аўтар каментуе сітуацыю: «Камунальныя службы… Ау! Вы дзе?».

@dukhouski♬ Какая красота — Pi.Frol

Таксама мужчына адзначыў у каментарах, што кантэйнеры для смецця ў раёне ЖК перапоўненыя з восені. Сам ролік быў апублікаваны 29 сакавіка. Пра тое, ці варышалі праблему, аўтар відэа не паведаміў.

Як на праблему адрэагавалі магілёўцы

Сярод жыхароў горада не склалася адзінага меркавання, як вынікае з каментароў у TikTok.

На думку адных карыстальнікаў, праблема сапраўды патрабуе ўвагі: кантэйнеры для смецця ўвесь час былі перапоўненыя і не прыбіраліся адказнымі службамі. У выніку з-за гэтага вецер разнёс смецце на дзіцячую пляцоўку.

• «Гэта з кантэйнераў ўсё выдзьмула, бо ніхто іх не прыбірае».
• «ЖКГ, што вы робіце?».

Падобную праблему заўважылі і ў іншых раёнах Магілёва:

• «Не толькі тамака, паверце. На Кірава тое самае поруч дзіцячай пляцоўкі».
• «Магілёў! Вуліца Фаціна. У нас наогул дворніка няма тры гады! Патрабуецца дворнік! Часам так бывае і ў нас. Калі вецер».
• «Тое ж самае на Шміта, каля кальца Гагарына!».

Іншыя карыстальнікі выказалі іншае меркаванне і ўсклалі адказнасць не на камунальнікаў, а на саміх жыхароў дома.

• «А да чаго тут камунальныя службы, калі гэта людзі?».
• «А хто гэта зрабіў? Вы і вашыя дзеці».
• «Чыста там, дзе не пакідаюць смецце».

Але і на гэта знайшоўся адказ: «Так а навошта тады кожны месяц з жыльцоў бяруць плату за ўборку прыдамавой тэрыторыі? Знайшліся каментатары!».

Чытайце таксама: «Хотим раз в месяц ставить галочку, что убрали мусор». Власти отказали активисту в установке урн в местах, где мусорят