У Аршанскім раёне выявілі згнілы і заплеснелы лён. Рэальная карціна супярэчыць афіцыйным справаздачам пра «паспяховы ўраджай».
Льняное поле, ілюстратыўнае фота
Для культуры, якую ў Беларусі традыцыйна называюць нацыянальным гонарам, у Віцебскай вобласці не былі забяспечаныя нават базавыя ўмовы захоўвання. У адным з хлявоў Аршанскага раёна выявілі рулоны льну, што згнілі і пакрыліся цвіллю. Льнотраста мела вільготнасць, якая істотна перавышала дапушчальныя нарматывы.
Чытайце таксама: Акцыя «1+1» за гнілыя апельсіны: сітуацыя ў «Светлафоры» Мінска
Падобныя парушэнні былі зафіксаваныя і на адным з вытворчых участкаў у Сенненскім раёне.
Але сітуацыя аказалася яшчэ больш трывожнай. У Аршанскім, Сенненскім і Талачынскім раёнах пракурорская праверка выявіла на палях дзясяткі, а ў некаторых выпадках і сотні рулонаў льнотрасты ўраджаю 2025 года, якія так і не былі вывезены.
Рулоны доўгі час знаходзіліся пад адкрытым небам, падвяргаліся дажджам і мелі відавочныя прыкметы псавання. Акрамя таго, зафіксаваныя факты няякаснай уборкі: значная колькасць льнотрасты засталася раскіданай па палях.
Па фактах бесгаспадарчасці і неналежнага выканання службовых абавязкаў асобнымі службовымі асобамі пракуратура Віцебскай вобласці вынесла прадпісанне ў аблвыканкам.
Пракуратура Аршанскага раёна накіравала матэрыялы праверкі ў РАУС для прававой ацэнкі дзеянняў службовых асоб льноперапрацоўчага прадпрыемства. У цяперашні час праводзіцца праверка.
Сітуацыя выглядае асабліва кантрасна на фоне паведамленняў дзяржаўных СМІ. Раней БЕЛТА са спасылкай на Белгідрамет заяўляла, што большая частка вегетацыі льну-даўгунцу ў Беларусі праходзіла ва ўмовах, блізкіх да спрыяльных.
Паводле афіцыйных звестак, «невысокі тэмпературны рэжым і дажджы спрыялі фарміраванню ўраджаю», а сярэдняя вышыня льну ў 2025 годзе нават перавысіла леташнюю. На большасці агледжаных палёў стан культуры ацэньваўся як добры.
Аднак вынікі пракурорскай праверкі паказваюць: нават пры адносна спрыяльных надворных умовах ураджай можа быць страчаны праз дрэнную арганізацыю працы, несвоечасовы вываз і парушэнні тэхналогій захоўвання.
Чытайце таксама: Брэсцкія дзяржСМІ без альтэрнатывы: афіцыйныя навіны замест грамадскіх праблем
В Чернице стартовало строительство нового жилого комплекса «Улыбка» на 300 квартир. Но будущие перемены уже…
Маршрут проходит через Гать, родник Тхоровка, Лесную и Павлиново. Главные проблемы — навигация, состояние дорог…
Жыхары Светлагорска 27 верасня скардзіліся на моцны хімічны пах і недамаганне. Раней завод ужо быў…
У Чубакова мядзведзь прыйшоў на падворак і пашкодзіў некалькі вулляў. Мясцовыя распавядаюць пра іншыя сустрэчы…
Помимо Оршанского мясоконсервного комбината, к агрокомбинату «Дзержинский» планируют присоединить еще два предприятия — птицефабрику и…
Люди спрашивают: если прокуратура заинтересовалась песком, то почему бы не разобраться, почему легально купить песок…