У «Белмаркеце» кошты жывуць сваім жыццём: пакупнік паказаў, як яго ледзь не падманулі

Беларус, што набываў сабе фарэль у вядомай сеткавай краме «Белмаркет», заўважыў, што кошт прадукту на цэнніку зусім не адпавядае таму, які паказвае сканэр. Мужчына распавёў пра сітуацыю ў відэа, якое разляцелася па сацсетках.

Чытайце таксама: Жыхарка Маладзечна паскардзілася на «Смачныя» каўбаскі

Як вынікае з відэа, упакаваны стэйк замарожанай фарэлі каштаваў 31,98 бел. руб. Агульная цана за кілаграм складала амаль 43 рублі. Аднак калі мужчына праверыў кошт на сканеры, кошт яўна адрозніваўся: амаль 38 руб., то бок большы на шэсць беларускіх рублёў.

«Глядзіце, як “Белмаркет” кідае людзей на грошы. Пераправярайце тавары, рабяты», — адзначае аўтар відэа.

Меркаванні беларусаў

У каментарах пад ролікам многія беларусы падтрымалі мужчыну. Меркаванні сыходзіліся ў адным: неадпаведнасць цэн на цэтліках і на касы — гэта ўжо даўно не «чалавечы фактар», а, здаецца, мэтанакіраваная практыка крамаў, якая стала нормай у сённяшняй беларускай рэчаіснасці.

• «На дадзены час трэба правяраць усё! І ў апошні час гэта зусім не чалавечы фактар, як многія пішуць».
• «Усё перацягваюць ў свой бок, хаця б хто ў бок пакупніка».
• «Нічога сабе кошт у Сінявокай».

Знайшліся і тыя, хто пажартаваў з сітуацыі, маўляў «краме трэба выжываць»: «Вы тут мітусню не наводзіце. Павінна ж неяк крама выжываць…. Ну што, вам шкада ці што?», — іранізуюць каментатары.

Нядаўна BGmedia паведамляла пра падобную сітуацыю ў іншай краме: на цэнніку курыцы ад фірмы «Дзяржынка» была завышаная канчатковая сума. І нават пасля скаргі пакупніцы кошт на тавар так і не перагледзелі.

Гэтыя выпадкі яшчэ раз паказваюць, што беларусам даводзіцца самім абараняць сябе ад такіх «памылак». Людзі раяць уважліва правяраць вагу тавару на кантрольных вагах і абавязкова сканаваць цэннікі, каб не плаціць больш, чым трэба.

Чытайце таксама: Брестские таможенники задержали партию детского питания известного бренда. Что им не понравилось в этот раз?