У Горацкім раёне прадаюць былы будынак дзіцячага садка — пад знос

Дзіцячы садок у вёсцы Ходараўка Горацкага раёна прапрацаваў толькі каля дваццаці гадоў. Сёння яго прадаюць на знос — і фактычна задарма.

Чытайце таксама: «Итальянский квартал» в Бресте снова ушел с молотка — но уже за полцены. Узнали, за сколько его купили

На сайце Беларускай універсальнай таварнай біржы з’явілася інфармацыя: двухпавярховы будынак плошчай амаль 2 000 м² можна набыць за адну базавую велічыню — 42 рублі.

Аднак пакупніку давядзецца на працягу шасці месяцаў атрымаць дазвол на знос, а на працягу двух гадоў — цалкам ліквідаваць будынак.

Паводле Orsha.eu, садок быў пабудаваны ў 1996 годзе — у часы, калі беларускім сем’ям абяцалі росквіт, танныя прадукты і «светлую будучыню». Тады Ходараўка была шматлюднай, з перспектывай на развіццё. Але ўжо да 2016 года сітуацыя стала супрацьлеглай: моладзь масава з’язджала ў гарады, заробкі заставаліся мізэрнымі, і дзіцячы садок зачынілі з-за адсутнасці дзяцей.

Будынак спрабавалі прадаць некалькі разоў, але жадаючых не знайшлося: мала хто гатовы ўкладаць грошы ў аб’ект у паўпустой вёсцы. Таму цяпер улады прапануюць яго таму, хто пагодзіцца яго проста знесці.

Што кажа статыстыка пра знікненне беларускіх вёсак

Сітуацыя з Ходараўкай — не выключэнне. За апошнія дзесяць гадоў у Беларусі знікла каля 400 вёсак. Адныя ліквідавалі, а астатнія аб’ядналі з іншымі населенымі пунктамі. Колькасць гарадскіх пасёлкаў таксама скарачаецца: з 92 у 2012 годзе да 85 у 2024-м.

У выніку з мапы краіны фактычна зніклі месцы, дзе раней жылі больш за 300 тысяч чалавек — столькі, колькі жыве ў Берасці.

@365bel В Беларуси исчезает все больше деревень. Заброшенные дома сносят, а деревянные хатки, что стояли десятилетиями, уходят в прошлое. Видео с разрушением одного из таких домов появилось в соцсетях и сильно тронуло людей. Многие пользователи отмечают — в деревнях жила история, души людей. «Сижу и плачу… Так горько, словно человека хоронят. У дома тоже есть душа», — пишут в комментариях. Кто-то рассказывает, как молодая семья хотела купить заброшенный дом, но власти отказали. Дом просто снесли, теперь на его месте пустырь. За последнее десятилетие в Беларуси исчезло около 400 деревень. Число городских поселков тоже сокращается: с 92 в 2012 году до 85 в 2024-м. Это затронуло жизнь более 300 тысяч человек — как население Бреста. Почему это происходит? В деревнях выше бедность, меньше социальной поддержки, высокая смертность и почти нет рабочих мест. Люди вынуждены уезжать в города. #беларусь #деревня #беларусьновости ♬ original sound — 365bel

Усяго з 2012 па 2024 год колькасць вёсак зменшылася на 1,7%.

Хаця час ад часу з’яўляюцца і новыя населеныя пункты для сталага пражывання, гэтага занадта мала, каб кампенсаваць агульную тэндэнцыю.

Чаму знікаюць беларускія вёскі

Белстат называе некалькі асноўных прычын знікнення беларускіх вёсак:

• Беднасць у сельскай мясцовасці вышэйшая

У 2024 годзе за рысай беднасці на вёсцы жыло 5,8% людзей, у гарадах — 2,8%. Сацыяльная падтрымка таксама значна ніжэйшая: сельская сям’я атрымлівала ў сярэднім 128 рублёў ільгот, гарадская — 193, а мінская — 265.

• Высокая смяротнасць

Роўная даступнасць медыцыны і сацыяльных паслуг у сельскай мясцовасці проста адсутнічае. Смяротнасць на вёсцы прыкладна ўдвая вышэйшая за гарадскую, што толькі паскарае выміранне населеных пунктаў.

• Нястача працы

Праца або дрэнна аплачваецца, або яе амаль няма, таму людзі з’язджаюць у гарады. Моладзь, што нарадзілася ў вёсках, не бачыць перспектывы вяртацца назад.

Чытайце таксама: «Так горка, нібы чалавека хаваюць»: у беларускіх вёсках зносяць старыя хаты