У калоніі «Воўчыя норы» узмацніўся ціск на палітвязняў

У івацэвіцкай калоніі «Воўчыя норы» (ПК-22) скончылася «кароткая адліга» ў адносінах да палітвязняў. Ціск на асуджаных выйшаў на новы ўзровень.

Чытайце таксама: «Назавіце, ад каго перадача»: у СІЗА Брэста палітзняволеным могуць адмаўляць у перадачах

Праваабарончы цэнтр «Вясна» паведамляе, што палітвязням масава выпісваюць вымовы і спагнанні па надуманых прычынах. Уздымаецца пытанне прысваення статусу «злосных парушальнікаў», што пазбаўляе іх права на сустрэчы і перадачы. Людзей усё часцей адпраўляюць у штрафны ізалятар (ШІЗА).

Калонія «Воўчыя норы» размешчана на базе былой савецкай вайсковай часткі ў Івацэвічах Брэсцкай вобласці. На сённяшні дзень у ёй знаходзіцца як мінімум 59 палітвязняў.

Акрамя таго, стала вядома, што ПК-22 пераходзіць на выкарыстанне расійскага прыкладання MAX для кантролю тэлефонных званкоў асуджаных.

Праблемы з грашовымі пераводамі ў беларускіх калоніях

Дадаткова праваабаронцы адзначаюць праблему з грашовымі пераводамі, якія не даходзяць да зняволеных палітвязняў. Сродкі, адпраўленыя з Расіі і іншых краін, застаюцца «падвешанымі» на некалькі месяцаў і не вяртаюцца адпраўнікам.

Фармальна «Пошта Расіі» працягвае аказваць паслугу, але асуджаныя не могуць фізічна атрымаць грошы, бо патрабуецца прад’яўленне пашпарта ў аддзяленні. Атрымоўваецца, што калі сям’я адпраўляе сродкі, палітвязні ІК-22 не могуць скарыстацца грашамі, што ўзмацняе іх залежнасць ад адміністрацыі калоніі.

Чытайце таксама: «Суд над нябожчыкам?»: беларусы не зразумелі працэсу па «генацыдзе беларускага народа»