У краме «Капеечка» пакупнік заўважыў, як пераважваюць сыр

Мінчанін размясціў відэа ў сацсетках, у якіх паказаў, як у вядомай краме «Капеечка» падманваюць пакупнікоў. Ён заўважыў, што набыты у краме сыр мае зусім іншую вагу — не тую, што пазначана на цэнніку.

Чытайце таксама: У «Белмаркеце» кошты жывуць сваім жыццём: пакупнік паказаў, як яго ледзь не падманулі

Сыр «Манарх», які набыў мужчына, каштаваў амаль 30 бел. руб. за кілаграм і амаль 10 — за кавалак.  Сума, заяўленая на цэнніку, налічвала 412 грамаў. Аднак, калі аўтар відэа ўзважыў сыр на кантрольных вагах, там сума была іншая — 369 грамаў, менш на 43 грама.

«Гэтыя грамы ідуць на карысць краме», — адзначае пакупнік.

Як адрэагавалі беларусы

У каментарах пад ролікам карыстальнікі сацсетак пагадзіліся з крытыкай аўтара роліка. Яны прывялі іншыя прыклады, калі ў «Капеечцы» завышалі суму тавару.

• «Вы яшчэ каўбасу загадзя ўзважаную праверце, асабліва ў “Капеечцы”: тамака на кожную палку грам 60-70 дадаюць!».

Іншыя нават пажартавалі з самой сітуацыі.

• «Сыр высах, пакуль дадому данеслі».
• «Паходу аўтар відэа яго адкусіў».
• «Высах пакуль ляжаў на прылаўку».
• «Так напісана ж -45%».

Не першы выпадак скаргі на «Капеечку»

Беларусы неаднойчы скардзіліся на вядомую краму. Раней яны звярталі ўвагу на сапсаваныя прадукты, а таксама на іх павялічаную вагу на цэнніку.

Так жанчына, што жыве ў Маладзечне, паскардзілася на якасць набытага паўфабрыкату. Пасля ягонага прыгатавання вылілася вялікая колькасць тлушчу, а пасля награвання прадукт страціў вагу і моцна зменшыўся ў памеры.

Чытайце таксама: «Нічога не купілі»: беларуска распавяла, на што ў яе сышло 85 рублёў у краме