У адной з крамаў Слуцка заўважылі рыбу з паразітамі

У слуцкай краме «Маяк» пакупнікі заўважылі скумбрыю з незвычайнымі белымі кольцамі, якія выглядаюць як паразіты.

Чытайце таксама: «Мандарин раздора»: Беларусы повздорили из-за фрукта в «Евроопте»

Фатаздымкі рыбы абурылі многіх случчанаў. Людзі паспрачаліся, ці ўяўляюць гэтыя паразіты рэальную пагрозу і хто вінаваты ў сітуацыі: крама ці вытворца рыбы.

Што думаюць случчане

Зыходзячы з рэакцый на публікацыю ў мясцовым медыя, многія жыхары не задаволеныя сітуацыяй. Вось, як яны адрэагавалі ў каментарах:

• «У магазіне на вуліцы Партызанаў дакладна такая ж была. Не разумею, чаму візуальна не бачаць. Навошта такое прадаваць людзям? Могуць проста выкінуць у смецце або вярнуць вытворцу».
• «Фу!».

Адзін з карыстальнікаў звярнуўся да чат-бота GPT, каб высветліць, што за паразіты на фота, і гэтым выклікаў дыскусію пра бяспеку рыбы. Меркаванні людзей падзяліліся.

«Хутчэй за ўсё, вось што мне сказаў чат GPT: на фота відаць лічынкі паразітаў, хутчэй за ўсё гэта анізакіды (Anisakis). Гэта круглыя чарвякі, якія часта сустракаюцца ў марской рыбе (скумбрыя, сельдзь, трэска, лосось). Калі лічынак шмат, рыбу лепш не ўжываць у ежу і, па магчымасці, вярнуць у краму. Ні ў якім разе не ешыце такую рыбу сырой або слабасоленай», — піша ён.

Іншы карыстальнік паставіў пад сумнеў папярэдні каментар і адзначыў, што паразіты ў рыбе зусім іншыя: «Хоспадзі, далі дзецям цацку ў выглядзе GPT чата, а карыстацца так і не навучылі. Цяпер яны тыкаюць сваё аўтарытэтнае меркаванне, дзе трэба і дзе не трэба. На фота эўстрангіліды, якія не небяспечныя для чалавека і сустракаюцца ў большасці відаў рыбы», — сцвярджае мужчына.

Пакуль крама «Маяк» ніяк не пракаментавала сітуацыю. Дагэтуль невядома, што менавіта за паразіты былі ў рыбе праз адсутнасць санітарных праверак.

Нагадаем, што падобную праблему беларусы заўважылі ў чырвонай ікры ад «Санта Брэмар».

Чытайце таксама: «Золотая рыбка» из супермаркета: беларуска возмутилась ценой на скумбрию — 48,5 рубля