У Магілёве з-за будоўлі жыхарам перакрылі праход да дамоў. Людзі кажуць, што ЖЭУ не рэагуе на скаргі

Жыхарка Магілёва апублікавала ў TikTok відэа, у якім паказала стан вуліцы Мельнікава каля дома №12. На кадрах відаць, што праз рамонтныя працы тэрыторыю каля дома перакапалі, аднак для жыхароў не арганізавалі нармальны праход.

Чытайце таксама: «У кожнай бязглуздзіцы ёсць свой сэнс»: У Салігорску работнік будтрэста збіраў ваду з лужы ў вядро

Паводле словаў аўтаркі роліка, цяпер пастаянным жыльцам даводзіцца дабірацца да пад’ездаў праз пясок, зямлю і будаўнічыя матэрыялы. На відэа бачна, што дарожкі, па якіх раней хадзілі пешаходы, фактычна зніклі.

@katyapufi Созрела жаловаться через тик ток! #могилев #дойдетдолукашенки #жэумогилев ♬ оригинальный звук — Estella

Жанчына сцвярджае, што жыхары звярталіся са скаргамі ў ЖЭУ, аднак, паводле яе слоў, рэакцыі пакуль не было. Ролік быў апублікаваны 6 сакавіка, і, як адзначаюць мясцовыя жыхары, з таго часу сітуацыя на вуліцы істотна не змянілася.

Падобная праблема — ў розных раёнах Магілёва

У каментарах пад відэа карыстальнікі адзначаюць, што падобныя праблемы ўзнікаюць не толькі на вуліцы Мельнікава.

Паводле іх слоў, падчас рамонтных або будаўнічых работ у розных раёнах горада, ад праспекта Міра да Юбілейнага бульвара, часта не прадугледжваюць зручныя пешаходныя шляхі. У выніку жыхарам даводзіцца абыходзіць перакапаную тэрыторыю або ісці проста па пяску і гразі.

Некаторыя карыстальнікі таксама сцвярджаюць, што звароты ў камунальныя службы не заўсёды даюць вынік. Па іх словах, нават пасля скаргаў праблемы могуць заставацца нявырашанымі на працягу доўгага часу. Таму людзі ўсё часцей пачынаюць расказваць пра такія сітуацыі ў сацыяльных сетках, каб прыцягнуць увагу да праблемы.

Вось, што пра сітуацыю пішуць карыстальнікі:

• «Такая прыгажосць усюды дзе капаюць. Усім на гэта напляваць, што дарожкі перакапаны, закапалі абы як — і добра. Галоўнае галачка, што праца выканана. І 115 не дапамагае, толькі патрабуюць тваё прозвішча і адрас пражывання».
• «Мяркуючы па колькасці скаргаў, у адным толькі TikTok, яны не баяцца нікога».
• «На праспекце Міра будуюць электразапраўку — таксама перакапалі ўвесь раён. Паркоўку паменшаць, бо будзе запраўка… замест дзіцячай пляцоўкі ўкапалі шэсць калонак».
• «Пакуль не выставіць на агляд, зрухаў не будзе. Маглі б хоць нейкія шчыты пакласці».
• «На бульвары Юбілейным такая ж сітуацыя: дзецям у 9-ю школу прайсці немагчыма, няма пешаходных дарожак. Звярталіся ў 115 — рашэння няма».
• «А я ўчора ўвечары на Мельнікава ішоў… Ну як ішоў — плыў па 💩, як ганарлівы фрэгат».

Чытайце таксама: МЧС заявляет об отсутствии серьезных паводков, но жители продолжают жаловаться на подтопления