Categories: Новости

«Гэта толькі пачатак квэста»: У паліклініцы Мар’інай горкі вялікія чэргі

Жыхар Мар'інай горкі паказаў абстаноўку ў цэнтральнай паліклініцы свайго горада. Па ягоных словах, там складана нават узяць медыцынскую картку.

Share

Жыхар Мар’інай горкі паказаў, што адбываецца ў цэнтральнай раённай паліклініцы свайго горада. Па ягоных словах, чэргі на месцы налічваюць ад 70 чалавек, а для таго, каб атрымаць медыцынскую картку, трэба чакаць ажно дзве гадзіны.

Чытайце таксама: «Усё пад кантролем». Праўладныя медыя адмаўляюць чэргі ў капыльскай бальніцы

«Час лекуе. Мар’іна горка, стабільнасць. У 8.55 ты ў чарзе 74-ы. Перад табой 40 чалавек. Для таго, каб узяць картачку, трэба пачакаць гадзінкі дзве. І гэта толькі пачатак квеста», — распавядае з іроніяй мясцовы жыхар.

На відэа відаць вялікую колькасць людзей у чарзе ў рэгістратуру, так і ў кабінеты. Шмат з іх — людзі сталога ўзросту.

@belozorik.by #пуховичи #пуховичскиеновости #медицина #уровень #правительство @Пуховичи|Новости ♬ оригинальный звук — Сергей Белозоров

Нагадаем, што мясцовыя жахыры распавядалі пра падобныя выпадкі ў Капыльскай ЦРБ, аднак праўладныя медыя адмаўлялі гэтыя праблемы. Недахоп урачэй моцна адбіваецца на якасці медыцынскага абслугоўвання: праз яго ў розных гарадах павялічваюцца чэргі ў бальніцах і паліклініках, і нават зачыняюцца раддамы.

У Слуцку ў мінулым годзе стала вядома пра закрыццё радзільнага дома, а пазней — адзінага рэнтгенаўскага кабінета ў дзяржаўнай стаматалогіі. Апошні планавалася адкрыць нанова пасля праверак, аднак гэтага не зрабілі ў абяцаныя тэрміны.

Чытайце таксама: Не закрытие, а оптимизация: в Беларуси массово исчезают сельские больницы

Што пра сітуацыю думаюць мясцовыя жыхары

Самі жыхары Мар’інай горкі пагадзіліся з назіраннямі аўтара відэа. Многія ў каментарах заўважылі абсурднасць сітуацыі і адзначылі, што да рэгістратуры бывае нават складана датэлефанавацца.

Чэргі ў паліклініцы Мар’інай горкі. Скрыншот з відэа ў TikTok
  • «Некалькі гадоў таму быў жудасны досвед наведвання гэтай установы… Патрэбна была даведка аб адсутнасці ўліку ў нарколага-псіхолага. Ледзь на ўлік не стаў пакуль даведку атрымаў».
  • «Схадзіць у паліклініку — гэта цэлы подзвіг, а калі яшчэ здолеў узяць бальнічны з тэмпературай, гэта наогул нешта нерэальнае. Далей яшчэ лепш: даюць кучу аналізаў, і ты іх павінен паспець здаць, а прыём на наступны дзень гадзін у дзесяць раніцы. І калі на прыём прыйшлі без аналізаў, то бальнічны вам зачыняць, і ўсё роўна, як ты сябе адчуваеш. Гэта я кажу пра дзяжурных тэрапеўтаў, ва ўчастковых неяк прасцей».
  • «Мар’інагорская паліклініка гэта жэсць. Не дай Бог туды патрапіць, як і ў бальніцу!».
  • «Датэлефанавацца да іх гэтак жа сёння спрабавала, была 43 у чарзе: за 2 гадзіны на тэлефоне так і не датэлефанавалася».
  • Трэба ўзяць талон у рэгістратуру, каб узяць талон да лекара (калі яны яшчэ засталіся), каб узяць кірунак на аналізы. Квэст яшчэ той», — жартуюць людзі.

Чытайце таксама: Слуцкі радзільны дом усё ж закрылі. Цяжарных з усяго раёна адвозяць у іншыя гарады

Recent Posts

Из Минска в Брест: что известно о новом начальнике областной милиции и почему он находится под санкциями ЕС

Александр Лукашенко сменил главу УВД Брестского облисполкома. Олега Шуляковского забрали в Минск, а на его…

16.11.2026

Власти Бреста планируют грандиозную стройку за Ледовым дворцом — под снос пойдут десятки домов

Ради многоэтажек планируют снести частные дома. Но жители не спешат расставаться с тем, что строили…

16.11.2026

КГБ объявил трех жителей Брестской области «террористами». За что их преследовали?

В список попали предприниматель из Березы, жительница Лунинца и мужчина, зарегистрированный в Брестской области.

16.11.2026

Обещал построить, а сам забрал деньги: в Беларуси задержали «мастера» с судимостью

В Лунинце 26-летний мужчина обещал людям строительную помощь, брал предоплату и исчезал. На его обещания…

16.11.2026

Сарафан за 15 рублей обернулся кредитом на 500: в Пинске покупательницу обманули через Instagram

Желание купить модную одежду со скидкой закончилось не обновкой, а чужим кредитом. Вместо сарафана за…

14.11.2026

«Сделали бы лучше нормальное освещение улиц». Власти Барановичей отчитались о благоустройстве и нарвались на критику

Чиновники строят бетонные островки безопасности и кладут асфальт, а горожане жалуются на обилие ненормативных «спящих…

14.11.2026