Случчане заўважылі, што на нядаўна ўзведзенай дзіцячай пляцоўцы з’явілася агароджваючая стужка. Як высветлілася, камунальшчыкі тут ні пры чым.
Пляцоўка ў Слуцку. Фота: "Слуцкі Край"
Случчане, што жывуць на вул. Леніна, заўважылі дзіўную сітуацыю ў іх мясцовасці. На дзіцячай пляцоўцы, якую толькі нядаўна ўзвялі, з’явілася агароджваючая стужка. Хаця здавалася, што пляцоўка ўжо была гатовая для выкарыстання.
Чытайце таксама: Пенсионеры выступают против строительства детского сада в Бресте. Депутат-силовик назвал их жертвами манипуляций
У мясцовых чатах мясцовыя жыхары пачалі спрачацца, у чым можа быць праблема. Напачатку яны падумалі, што стужку маглі павесіць супрацоўнікі камунальных службаў праз тое, што пляцоўка магла быць не да канца зробленая. Потым высвятлілася, што камунальшчыкі тут не прычым.
Стужку павесіла жыхарка суседняга дома, пенсіянерка, якой не спадабалася, дзе менавіта ўзвялі пляцоўку. Гэтую інфармацыю пацвердзілі ў рэгіянальнай газеце «Слуцкі край».
Як распавядаюць мясцовыя, апантанасць жанчыны дайшла да таго, што яна з самай раніцы сядзела на лаўцы і сачыла, каб ніхто з дзяцей не падышоў да турнікоў ці не пачаў гуляць на новай пляцоўцы. Дзеці таксама сутыкнуліся з агрэсіяй з боку іншых пенсіянерак, і ў выніку баяліся нават блізка падысці да гэтага месца.
Людзі тэлефанавалі ў ЖКГ, каб прыбраць гэтую стужку. Але ў выніку гэта зрабіла адна з жыхарак дома, бо на яе меркаванне, «ім давялося б доўга чакаць». Але і гэта не адбылося без перашкодаў. Стужку доўгі час не давалі сарваць пенсіянеры, якія актыўна назіралі за пляцоўкай. Паводле словаў мясцовых, яны нават скаардынаваліся паміж сабой і завязалі на стужцы вузлы, каб яе было складана прыбраць.
Для многіх жыхароў сітуацыя выглядае не проста дзіўна, а абсурдна. У каментарах людзі прапануюць розныя спосабы «вырашыць праблему са злымі пенсіянеркамі»:
Цяпер на дзіцячай пляцоўцы агароджы ўжо няма. Цікава, што камунальшчыкі далі афіцыйны адказ са спазненнем — яны паабяцалі зняць стужку, якой на той момант ужо даўно не было.
Чытайце таксама: «Як жа я памылілася»: жыхарка Наваполацка распавяла пра хамства гінеколага ў дзяржаўнай клініцы
На месте водоема остались ил и лужи. В комментариях жители вспоминают прежнее озеро и обсуждают…
Былы супрацоўнік універмага «Слуцк» расказаў BGmedia пра праблемы з пастаўкамі, утрыманні з заробкаў і закрыццё…
У Гомелі жыхары розных раёнаў скардзяцца на цёмныя вуліцы і неасветленыя прыпынкі, а ў Магілёве…
Сначала тепло дадут социальным объектам, а уже потом в жилой фонд. Брестчане жалуются, что в…
Жыхары дома 1951 года скардзяцца на расколіны ў сценах і разбурэнне падмурка. Райвыканкам і аблвыканкам…
В TikTok «Нашего края» появился комментарий ГАИ о безопасности. Горожане пожаловались на разбитую подвеску, выхлопы…